السابع و الثامن و التاسع و العاشر بين غياهب الأقدار نورهان العشري

اختفوا حتي اقترب يسند والدته التي كانت علي شفير الإنهيار فسألها بنبرة معاتبه 
ليه كدا يا حاجه بتيجي علي نفسك اوي كدا ليه
أمينة پقهر
حازم ابني انا ياسالم و وجعه هيفضل العمر كله في قلبي. لكن انتوا مش ذنبكوا تدفعوا تمن أخطاءه وأخطاء أم معرفتش تربي..
 اوعي تقولي كدا يا ماما. أنت مغلطتيش في حاجه. و مش ذنبك .

قاطعته حين امتدت يدها تربت بحنان علي وجنته وهي تقول برجاء
متكرهش أخوك يا سليم.. انا الي معرفتش اربيه و احكمه زي ما عملت معاك انت و اخوك
.لو فعلا بتحبني اوعي تكرهه و عيش حياتك مع مراتك و افرحوا يا ابني و انسوا كل الي حصل. وغلاوتي عندك 
 جه الوقت الي تشوف حياتك انت كمان يا ابني.. كفايه عليك شايل همنا كل السنين دي عمرك هيضيع يا سالم متضيعش ولا دقيقه ثانيه منه و اتأكد أن أي قرار هتاخده انا راضيه عنه يا ابني..
فطن إلى ما ترميه و قد كان بداخله ينوي الا يضيع اي وقت فأومأ برأسه يوافقها دون حديث و اشتبكت النظرات بينه وبين أخيه بحديث خاص بكلاهما..
انقضت ثلاث أيام من أصعب الأيام التي مر بها في حياته. فقد كان يحاول بشتى الطرق الوصول إليها ولكن دون جدوى فقد كان هاتفها مغلق ولا يعرف أي طريقة أخرى للتواصل معها. غابت عنه وتركته فريسة للڠضب و الألم و الأفكار السوداء و لم تشفق عليه. يقسم بأنه رأي عشقه بعينيها واضحا وهذا ما دفعه للإعتراف لها بمكنونات صدره لما تفعل به هذا الآن وقد كان هذا أكثر شئ يخشاه. الرفض أو الإهانة لمشاعر عميقة لم تخلق سوى لها وحدها. حتي ان كانت ترفضها لم لم تملك الجرأة لإخباره لم يكن ليجبرها فله كبرياء عظيم يأبى إجبارها علي البقاء معه حتي و لو كان عشقها موشوم علي قلبه.
لما تفعل به هذا يود الصړاخ بهذا الاستفهام الذي كان يؤرق لياليه المنصرمة حتي أنه في لحظة يأس قاد سيارته و توجه إلي حيث مزرعة عمها و ظل واقفا طوال الليل عله يلمح طيفها يراوده شعور قوي بالشوق المضني و الڠضب الجارف تجاهها فما تفعله به ليس عدلا أبدا.
قاطع أفكاره صوت مروان الذي أخذ يدق علي الباب كثيرا ولكنه لم ينتبه له ففتح الباب و توجه إليه قائلا بمزاح 
ايه يا كبير بقالي ساعه بهبد عالباب و انت منفضلي
رفع أنظاره إليه و قال بفظاظة
ولما هبدت عالباب وملقتش رد ايه الي دخلك
تحمحم مروان قائلا بخفوت 
ايه الاحراج دا 
ثم علت نبرته حين قال بمزاح و هو يتقدم ليجلس علي المقعد أمام المكتب 
لا ماهو انا جايلك في ست مواضيع مهمة شبه بعض
زفر أنفاسه الملتهبه قائلا بفظاظه
هات الي عندك..
كان مظهره مرعبا فلعڼ مروان بداخله قبل أن يقول بتوتر
اصل انا. بصراحه . يعني كنت عايز اسألك هنعمل اي مع المطاريد الي ناسبناهم دول يعني البت حلا البسكوتايه دي هتعيش معاهم ازاي 
سالم مغلولا
و مسألتهاش ليه ما الهانم موافقة 
مروان بغباء
معلش بقي مراية الحب عاميه.. مع انهم ميتحبوش جوز البغال دول أن كان ياسين و لا عمار معرفش فرح رخره عجبها في ايه
تحفزت جميع حواسه لدي سماعه جملة مروان الأخيرة التي اخترقت أذنه مرورا بقلبه الذي انتفض قائلا بهسيس مرعب 
انت قولت ايه فرح ايه علاقتها بعمار 
مروان بغباء
ايه دا هو انا مقولتلكش. مش فرح اتخطبت للبغل الي اسمه عمار دا .. 
سالم پصدمه 
ايه 
اه حصل البت جنة لسه قيلالي لما كانت هنا. بس اقولك انا قلبي حاسس ان البت فرح دي مغصوبه اه والله .. جنة بتقولي مقطعه نفسها عياط طول الليل والنهار يا قلب امها
لم يكد ينهي جملته حتي خرجت صړخة غاضبة من فم سالم مما جعل مروان ينتفض من مقعده واقفا وهو يقول پذعر 
ايه في ايه
لم يكد ينهي
استفهامه حتي تفاجئ من قبضة سالم الحديدية التي أمسكت بمقدمة قميصه لتجذبه متسطحا فوق المكتب پعنف تجلي من عينين سالم التي تقطران ڠضبا يوازي لهجته حين صړخ به
يا حيوان بقي انت عارف كل دا ولسه فاكر تقولي دلوقتي
مروان پذعر
حقك عليا يا كبير. عيل و غلط . 
سالم بصړاخ
دانا هطلع عين اهلك..
مروان في محاولة للإبقاء علي حياته 
حقك .. بس علي ما تطلع عين امي هيكون البغل دا خطڤ المزة . اقصد فرح .. نلحقها و ابقي ادبحني عالفرح انا معنديش مانع..

يتبع