قصتي مع ابن المستشار نور ابراهيم
هسيبك معاهم لمدت أسبوع اتفقنا
نور لفت ل سارة ورجعت بصت لحمزه بفرحه اتفقنا متشكره اوي ياحمزه
حمزه بابتسامة المهم تكوني سعيدة يا قلب حمزه
نور بسعاده الحمد لله أنا بجد سعيدة وفرحانه جدا
وفعلا حرك العربيه وطلع بيها لبيت عمها وصلهم لحد الباب ومشي ودخلت ساره ونور
سارة باستغراب وشك ايه الي غير مقصوف الرقبه جوزك بالسرعه دي
حنان بتساؤل نور ازاي أقنعتي أخويا بالسرعة دي وغمزتها
نور بابتسامة هو الي غير رأيه من غير ما أتكلم
حنان بشك غريبه
نور فعلا غريبه موافقة جوزي بالسرعه دي معجزه...بس نقول ايه ربنا يستر. دخلت جدة نور
الجدة فين جوزك يا بنتي عشان أشكره لأنه سابك عندنا
سارة طيب يانور انا هروح اعملك لقمه تاكليها
الجدة روحي يا بنتي..مشت ساره
نوربرجاء حنان ممكن تجبيلي يزن.. لانه وحشني جدا
حنان بابتسامة حاضر وانا همشي عشان مش عاوزه أتأخر وبكره إن شاء الله ارجع اطمن عليك
نور طيب يا قلبي ومتشكره ليك .. واول ما مشت حنان حطت نور رأسها ونامت.. لكن صحت على صوت بكاء أطفالها فقالت اااه ياني اعمل ايه
نور بتعب حاضر ياستي.. وأأعدت معاهم لحد سبعه الصبح وبعد مانامو بصعوبه أخدت حمام ورجعت نامت وصحتها مرات عمها
فوزيه اصحي يابنتي عشان تفطري
نور بكسل هي الساعة كام يا عمتي
فوزيه عشرة يا نور.. أأعدت نور بتعب
نور پخوف فين ولادي
فوزيه ضحكت من شكل نور المڤزوع في اوضه سارة احنا حمناهم وغيرنا هدومهم و ناموا على طول
فوزيه الليله هخليهم ينامو عند سارة
نور بضحكة عاوزها ټنتحر يا عمتي.. دخل عمها سليمان
سليمان باستغراب من دي الي هتنتحر
نور بابتسامة أهلا يا عمي..راح ناحيه نور وبس رأسها
سليمان بلطف حمد لله على سلامتك.. ودلوقت طمنيني ازي حالك
سليمان فين العيال
نور مع ستي وسارة
سليمان كان الله في العون ويقويك يابنتي عليهم.. يلا أناطالع علي شغلي تحبي اجبلك اي حاجه وانا راجع
نور بابتسامة لا شكرا يا عمي عاوزه سلامتك
سليمان طيب يابنتي اشوفك علي خير انت وكتاكيتك
نور مع السلامة يا عمي.. خرج ودخل رامز
نور في اوضه سارة
رامز حلو هروح اشوفهم والعب معاهم
نور بإرهاق روح. فطرت نور ورجعت مددت لانها لسه تعبانه وحاسه پألم في كل جسمها
فوزيه نامي قبل ما يجو اهل جوزك
نور ماشي يا عمتي..قفلت مرات عمها النور بعد ما غطتها وخرجت وقالت الحمد لله والشكر ليك يارب ان حمزه اتقبل بنتنا وفضلت ع ذمته
وعلي المساء حضروا أهل حمزه وجابو شئ وشويات حاجات كتيره حتي شغاله خصوصي تبقي في خدمه نور وولادها وقبل خروجهم قالت نور حنان لفت حنان ليها
حنان نعم يانور
نور برجاء استني عاوزه اتكلم معاك
حنان طيب بابي اتفضلو انتم دلوقت وانا جايه وراكم
الشريف طيب يابنتي بس ما تتأخريش
حنان لا متخافش..طلعو رجعت حنان وأأعدت جنب نور وقالت نعم يا نور فيه ايه
نور بخجل من سؤالها فين حمزه يا حنان
حنان بكل صدق معرفش والله هو مانامش في البيت بقاله يومين ولما بابي اتصل بيه قال انه عند صحابه
نور طيب ليه مجاش يزورني ويطمن علي ولاده
حنان معرفش والله يا نور دخلت سارة عليهم
سارة نور جايلك ضيوف
نور وبلهفة مين حمزه.. دخل خالها
خالها بابتسامة وخبث لا مش حمزه للاسف ده انا ياقلب خالو
نور وهي تبتسم أهلا يا خالي قرب ناحيتها وقعد جنبها ومسك ايدها
سمير أنا زعلان منك
نور پخوف أنا ليه ياخالي
سمير ازي تولدي ولا تعرفيني انا مش خالك برضو زي والدك
نور طبعا أنت خالي وحياتي
سمير طيب كلام فل اهو.. بص ل حنان فقال ازي حالك يا أنسة حنان
حنان بخجل الحمد لله بخير.. طيب يانور اسمحيلي عشان متأخرش علي بابي وبكره زي ما اتفقنا رجعالك
نور برجاء اتعشي معانا وبعدين روحي..بصت حنان ل خال نور ورجعت بصت لنور
حنان معلش خليها مره تانيه لان واحده صحبتي جايه لي
نور ماشي يا
قلبي
حنان بابتسامة مع السلامه
نور وخالها مع السلامه فخرجت وسابتهم
نور بترحيب منور يا خالي.. بصلها
سمير وهو يبتسم ميرسي ياقلبي يا بنت أختي.. بس قوليلي يانور هي الأنسة حنان مخطوبة
نور لا
سمير طيب بتحب حد
نور لا هي مش بتحب حد
سمير غريبة!!
نور بشك وايه الغريب في كدا يا خالي
سمير لا ولا حاجه متحطيش في بالك
نور بتعجب بس أنت ليه برضو بتسأل يا خالي
سمير بابتسامة ولا حاجه هو مجرد سؤال
نور طيب براحتك ياخالي
سمير اومال فين ستك انا مش شايفها
نور ستي مع عيالي بيعيطو كتير.. بس الحمد لله حمزه بعتلي مربيه يزن لاني بجد كنت شويه وهتجن امبارح بس الحمد لله على كل حال
سمير ايوه الحمد لله وربنا يكون في عونك والله!!
نور قولي ياخالي عملت ايه في شغلك
سمير الحمد لله لقيت شركه مناسبه.. وأن شاء الله صديق لي هيبعت
