مهمة حب ريحانة
اللي حصل و هيروح ازاي نام شويه لحد ما احمد يجي وهوا بيقول في سر
أنت عملت فيا ايه يا جايده
أنت عملت فيا ايه يا جايده
صحي شريف علي خبطه جامده في دراعه المصاپ بص لقيه القائد بتاعه
مش ھتموت منها يعني!
تخيل بقي سيادتك مش ھټموټني قاعد في وشك كتير
اتكلم شريف بتهكم و قرب من القائد عشان يحضنه
اخبارك يا شريف
لا انت مش هتروح المهمه التانيه
دا ليه ان شاء الله
عندك مهمه كدا في النص
لا بص بقي مش عشان انت خالي وانا قلت مش مشكله اشيل المهام منتا برضو من العيله تعمل فيا كدا لا انا عندي مهمه تانيه البت تلاقي ناهد طفحت عليها عاوز اسلمها حته واحده
ايوه يعني انت عاوز ايه دلوقتي
سيبني اروح للبلوه التانيه لحد ما التعليمات الجديده توصلني و اشوف هعمل ايه معاهم
مالها
عندها يا حبيبي قوم يلا و بطل دلع وراك مهمه هتاخد منك يومين كدا ولا حاجه
اتنهد شريف بغيظ و هوا بيفكر في المهله اللي اداها ل جايده اخرها بكرا و طلاما خاله قاله ان المهمه هتاخد يومين يقبي لو خلصها في اسبوع كويس
ولو حصل لهدفي حاجه
هتشيل المسؤوليه وحدك فاكرني هساعدكم
تساعدني ايه يا خال انت شهدت ضدي في المحكمه العسكريه و خليتني اتسجنت شهر ظلم انت هتحور وتعمل فيها الخال الصالح
اتعدل و اتكلم برسميه معاه
يا قائد ايه رأي حضرتك
________________________________________
في المهمه مع الهدف
بص يا حضره الظابط اللي انت دخلت فيه دا مش سهل انا مش هسمي عليك انا مستنيلك غلطه يا سياده الظابط عشان احبسك لكن خد بالك من الهدف عشان الموضوع اكبر من ما هوا قايله العقيد انو مجرد حمايه عشان يخلص انتخابات
فيه كرت ضايع في النص ومهمتك تعرف تحركات الكرت دا ايه مش الكرت دا مين بس خليك فاكر يا شريف البنت ملهاش ذنب في اي حاجه لازم تحميها لان دا واجبك لكن الاهم هيا ملهاش حد تثق فيه حاليا
اكيد يا قائد
بس دا ميمنعش انك هتروح المهمه الاضافيه دي عشان تاني مره تجيلي من المهمه متعور
إن كان عاجبك يا حضره الظابط
عاجبني ميعجبنيش ليه
يلا اتحرك علي وزاره العدلو بلغ سلامي للعقيد جلال و رئيس الحرس الخاص بيه
ضحك وهوا بيطلع من الاوضه فا فهم شريف قصده اللي كان عاوز يوصله بالجمله دي فا خد بعضه وطلع
بعد ايه يا احمد دا لو واحده حامل كانت جابتها اسرع منك
متشكرين غاير فين
مهمه جديده في وزاره العدل
طب و المهمه الثانيه
برضو معايا
هروح اشوف شغلي عندي مأموريه و استجواب
خد شريف شنطته و طلع علي بيته اللي في مساكن الظباط عشان يجهز يروح اجتماع الوزاره باليل خلص و دخل الاجتماع بسرعه حضر الاجتماع بدل خاله و سلم الورق وهوا متابع كل اللي قاعدين
الخيانه مش هيطلع من الاوضه دي انا متأكد
اتكلم مع نفسه وهوا بيبص علي كل الموجودين بحرص
بس يا ساده تقدروا تتفضلوا
خلص الاجتماعات والورق اللي قعد فيه طول اليل لحد الساعه 12الصبح طلع فاصل من جوا قابل العقيد عم جايده
حضره الظابط
اهلا سياده العقيد
يعني انت هنا النهردا قالو انك في سيناء
اه سيادتك خلصنا المهمه
متعدد المهام
كلو من خبره سيادتكم عن اذنك
ادي التحيه العكسريه و طلع ركب عربيته و مشي في الطريق للمقر كان بيفكر في هيعمل ايه دلوقتي و المأموريه اللي معاه دي هيعمل فيها ايه وهوا بيفكر كدا بص وراه لقي اربع عربيات بيمشوا وراه في خط واحد
دي شكلها هتحلوا
اتكلم وهو بيهدي سرعته شويه و بيلقم سلاحھ اللي في جيبه و سلاحھ اللي في حزامه غير طريقه بدل الطريق العام خد الطريق الزراعي ودا مبيكنش فيه مساكن و لا عربات كتير
وهوا بيستعد لأي هجوم منهم لقي جهازه بيرن
كانت جايده باعته مسج ب صوتها اربع ثواني ازيك يا شريف علي فكره الفتره خلصت وانت لسا مرجعتش لو حي ابعت رساله ب اسمي
ضحك علي ذكائها اللي بدأ يطلع شويه شويه هيا عارفه ان محدش يعرف اسمها ولا يعرف بوجودها معاه غير الناس اللي واثقين فيهم فا كدا لأما هو بخير يأما حد قټله
ضغط علي الزرار وقال وهوا بيسوق بعد ما علي سرعته
انا لسا حي يا جايده هتأخر عليكي شويه عندي شويه حجات كدا و هرجع في اقرب فرصه حضريلنا فيلم نسمعه بس يارب تكوني فاكره اسمو مش هقعد ساعه ادور علي اسمه
قفل الجهاز و رماه جنبه في الوقت دا كانت الاربع عربيات حاصروه من كل اتجاه فتح شباك العربيه
