ابن ليل أميرة أسامة
اوضتها ترتاح شويه كان مبسوطه انها قدرت تنقذ الولد وقدرت ترجع بسرعه لشغلها من تاني
في الجامعه خلصوا البنات محاضرتهم واول ما خرجوا لقوا خسن وسماح ومحمد واحمد واقفين مستنينهم
دانه ايه ده انتوا هنا
محمد اه كان عندنا محاضرات
ديما هيما يا احمد
احمد هاي ايه الاخبار عملتوا ايه في اول محاضره كله تمام
دانه يعني الي حد كبير الحمد لله كله تمام
ديما طيب نروح نجيبها احسن
حسن قولتلها بس مرضيتش قالت هتيجي هي علي الكاڤيتريا
سماح متقلقوش عليها وسيبوها تتعامل وانتوا كمان لازم تتعاملوا وتاخدوا علي الجو بسرعه عشان هنا الولاد لما بيعرفوا ان البنت مش عارفه تتعامل بيستلموها
دانه اوك هنتعامل واحنا اللي هنستلمهم
دانه لا متقلقش عليا انا بعرف اتأقلم بسرعه
محمد حلو ده
احمد بقول ايه ما تيجي نروحوا ناكلوا حاجه انا واقع من الجوع
حسن يلا بينا
راحوا كلهم علي الكاڤيتريا وجات دارين قعدوا مع بعض اتكلموا وضحكوا كان البنات مبسوطين والي حد كبير يومهم كان ماشي حلو جدا اتبسطوا بمعرفه سماح وحسوا انها روحها حلوه وحتي سماح اتعودت عليهم بسرعه والغيره اللي كانت جواها من ناحيتهم اتختفت تماما خصوصا من معامله حسن ليهم وليها قدامهم
علي دارين بعدت عنهم شويه عشان ترد كانت مبسوطه
دارين هاي ادم
ادم هاي دارين مبترديش ليه
دارين انهارده كان اول يوم في الجامعه وكان عندي محاضره
ادم بصوت متغير جامعه
دارين ايوه
ادم ااااه افهم من كده انك خلاص بتستقري
دارين تاني يا ادم انت عارف كل حاجه حصلت وعارف كمان التغييرات اللي حصلت في حياتنا
ادم اوك دارين زي ما تحبي
ادم دارين انا قولتلك اللي عندي ونزولك للجامعه معناه انك مش راجعه تاني
دارين هرجع ازاي يا ادم قولي وحتي لو هرجع اكيد مش هسيب دراستي تضيع لحد ما ده يحصل
ادم قولتلك ارجعي وكملي هنا وانا هفضل معاكي حتي لو بباكي رفض تفضلي معاه
دارين واسيب مامي واخواتي مستحيل وكمان مستحيل مامي توافق
دارين انت لازم تكون جنبي ولازم تراعي ظروفي ادم
ادم اكتر من كده دارين دي مش مجرد ظروف انتي بتتكلمي عن استقرار
دارين بس انت قولت انك هتيجي وانا اكيد ممكن اجي في الاجازه
ادم انتي بتقولي ممكن يعني مش اكيد
دارين عايز تقول ايه يا ادم
ادم عايز اقول ان خلاص كده يا دارين
دارين هو ايه اللي خلاص مش فاهمه
ادم مش هينفع نكمل مع بعض
ادم انتي اللي رافضه كل الحلول
دارين قولتلك مقدرش اعمل اللي بتقول عليه مقدرش اسيب مامي واخواتي مينفعش اسيبهم واجي اعيش معاك لا عادتنا ولا تقاليدنا هتقبل بكده
ادم خلاص يبقي انتي اللي اختارتي
دارين بۏجع ده اخر كلام عندك يا ادم
ادم دارين انا مش قادر اتكلم الوقت خليني افكر تاني واكيد هنتكلم لو وصلت لحل
دارين بدموع اوك ادم باي
ادم باي
فضلت دارين ټعيط وتداري في دموعها
ولما هديت شويه مسحت دموعها وراحت قعدت معاهم لكن كان باين عليها الحزن
في المساء رجع حسن والبنات علي البيت وصلهم ووقف تحت مع عبدالله شويه
عبدالله ايه كل حاجه تمام
حسن اطمن كله بخير
عبدالله عايزك تخلي بالك معاهم لحد ما ياخدوا علي الجو انت عارف البنات ميعرفوش حاجه هنا وكويس انهم بيتكلموا عربي كويس وإلا كان زمانهم ضايعين
حسن بضحك لا اطمن عليهم دره مأثرتش معاهم
عبدالله طيب الحمد لله
حسن بنقولك ايه انت محتاجني
عبدالله لا خلاص هنققلوا اصلا الشغل هادي انهارده وجدك طلع قيل ما تيجوا من شويه
حسن طيب انا عايز نطلعوا نستحموا
عبدالله طيب اطلع وانا هنقفلوا بدالك ونيجوا وراك
حسن تدوم الجدعنه
عبدالله بإبتسامه طول عمري يا ناقص
ضحك حسن وسابه وطلع
رجعت دره علي الشارع بعد ما خلصت شغلها كان عبدالله قفل وطلع و كرم بيقفل خلاص بكر طلع كان مصدع فا كرم سابه يطلع ووقف هو يظبط الدنيا ويققل
قربت دره من البيت بتاعها و بصت علي البلكونه بتاعت نجوي خاڤت مها تكون واقفه وترش عليها مايه تاني فجأه لقت قدامها سونه
دره ليه كده يارب ما اليوم كان ماشي كويس
سونه شيفاكي مبسوطه يا دكتوره
دره بتنهيده خير يا سونه
خرج كرم وقف علي الباب وسند بايده علي الباب وهو مبتسم
كرم بصوت هامس اشربي يا دره
سونه مالك كده مش علي بعضك لما شوفتيني
دره ومش هنبقي علي بعضي ليه خلصي يا سونه وارمي الكلمتين اللي محشورين في زروك انا جايه تعبانه ومس قادره نقفوا علي رجلي
سونه الله بنرمي السلام بلاش
دره بأبتسامه وماله الله يسلمك حاجه تاني
سونه لسه مصممه تفضلي هنا
دره وانتي شاغله روحك بيا ليه يا سونه انا هنا في بيتي ومع اهلي واه هنفضلوا هنا عندك اعتراض
سونه لا خالص بس قولت نديكي فرصه قبل ما نشوفوا شغلنا
خرجت مها في الوقت ده وبصت عليهم لقتهم واقفين
مها في حاجه يا سونه
كرم بابتسامه العب
سونه كل خير يا ست الستات
دره امممم طيب حلو اوي الكلام ده اسمعي انتي وهي بصت لكرم وابتسمت
واسمع انت كمان عشان اللي هنقوله يخصك
هز كرم راسه وهو مبتسم
دره مشيان من هنا انا مش هنمشي تطفشوني تكرهوني في عيشتي تقضوها مقالب ليل ونهار علي قلبكم نفس دره الجمال مفيش اطول منه
ولو علي المقالب وشغل العيال بيتهيألي يا مها انتي اكتر واحده عرفاني مش هتسلكوا معايا يا مها فا من رأيي قبل ما تفكروا تعملوا معايا حاجه وترازوا فيا فكروا الف مره عشان ردي ممكن ميعجبكمش ومش بعيد انا اللي نطفشكم من بحري كلها
سونه لا ده انتي رجلك شيلاكي بقي وقلبك مېت
دعاء ومتشيلهاش ليه يا عنيا ايه شيفاها ماشيه بتعرج ولا بتعرج
ريحي خمسه يا سونه وبلاش مها تسوحك
مها بضحك ميبقاش شعري علي حرمه يا دعاء انتي واللي ما تتسمي دي ان ما طفشناكم من هنا
دره بلاش الثقه الزايده دي هتلبسك في حيطه وانا خاېفه عليكي
مها وريني شطارتك
ولو تقدري يلا انا جاهزه
كرم ايه خلصتوا ردح ولا لسه شويه
يلا كل واحده علي بيتها
منكش نجيبوا طفايه الحريق يا معلم كرم
كرم
منكش خلاص سكتنا
مها يلا روحي يا سونه وهنبقي نكلموكي
دعاء اه يلا روحي يا سونه عشان تلحقوا تحطوا راسكم في راس بعض
سونه مش عايز مني حاجه يا كيرو
كرم بصوت واطي هو يوم ما يعلم بيه الا ربنا شكرا يا سونه
سونه طيب بنقول ايه ما تيجي نشربوا شي مع بعض
كرم اتكلي يا سونه مش وقتك
سونه إن مكنتش تحلف بالاذن يا سيد الرجاله
دره بصوت واطي الف رحمه ونور علي النسوان السالكه
سمعها كرم وكتم ضحكته وبصلها
دره ابقي جهز نفسك للرد بتاعي
كرم بصوت واطي بصلها وركز في عينها مستنيكي في نفس المعاد ومن غير ما نستر نفسنا
دره ساڤل
سابته دره وطلعت وهي بتغلي منه فضل كرم يضحك وبعدين راح قفل المحل
كل عيله اتجمعت علي العشاء المره الاولي اللي دره تقعد فيها معاهم من يوم ما جات وتبقي فرحانه بالشكل ده بسبب سؤال نبيله عنها و زياره عبدالله ليها عرفت من البنات اللي حصل معاهم في الجامعه كانوا مبسوطين واليوم كان جميل وهي كمان حكتلهم عن اللي حصل معاها وقد ايه كانت خاېفه من العمليه وحاله الولد نبيله وعبدالله وزكريا ودعاء كانوا فرحانين بيها ومنتبهين لكلامها الجو بينهم لحد كبير كان جميل واللي خلاه احلي هو طريقه عبدالله اللي اتغيرت كتير بيتكلم بيضحك بيتكلم مع البنات
نبيله للبنات مين فيكم بتعرف تعمل شي
دعاء هنقوم انا يا بلبله
نبيله وميقوموش ليه علي رجلهم نقش الحنه ولا خايبين
دارين بابتسامه لا خليكي يا طنط انا هقوم اعمل لبلبه
نبيله شوف البت بتضحك عليا بكلمتين
حسن ستي مبيعجبهاش العجب
نبيله اتلم يا ولا بدل ما نروق عليك
حسن سكت خلاص
دعاء بهمس اخوكي جالك يا بت
دره اه هو قالك
دعاء بركاتك وجه صالحني كمان
دره عبدالله بيحبك وميقدرش يستغني عنك
دعاء عارفه وانا كمان بنحبه وعارفه انه طيب وكنت متأكده انه لما يهدي هيرجع زي الاول واحسن والاهم من كل ده اني حاسه انه مبسوط
دره متتصوريش لما شوفته قدامي فرق معايا قد ايه
دعاء ربنا ما يحرمكم من بعض ابدا امك كمان فضلت طول اليوم تدعيلك وعلي فكره هي اللي قالتلي من نفسها اتصل عليكي كانت قاعده بتفكر ومش علي بعضها وھتموت وتطمن عليكي
دره مصدقتش لما سمعت صوتها قلبي كان بيتنطط من الفرحه
دعاء ربنا يفرح قلبك ويروق بالك يا دره
دره ويخليكي ليا يا دعاء
دعاء المهم الوقت هنعمل ايه مع الحربايتين اللي تحت
دره تقصدي حربايتين وعقرب
دعاء كرم
دره اه امبارح لقيته مبهدل هدومي وهدوم البنات بالكلور معرفش عرف يوصل ازاي للهدوم بالشكل ده
دعاء احيه و بوظها خالص
دره مش نافعه بنقولك بس انا مسكتش اتصلت عليه وروقته
دعاء جبتي رقمه منين هو حسن ابن الصرمه مفيش غيره
دره سيبك منه هو ملهوس دعوه صحيته من النوم وروقته هو كمان لحد ما بعتلي الرقم
دعاء بضحك بس خدي بالك دي دماغ مها مش كرم
دره مها ايه انتي التانين مها بعيد عني هو اللي قدامي
دعاء يابت انا عارفه بنقولك ايه
وبعدين مها وامه اللي بيطلعوا ينشروا مش هو ودي مش حركات نوجا مفيش غير مها اللي ما تتسمي
دره بس هو قالي اه انا ولا كان هامه
دعاء عيزاه يقولك انه خاېف منك يابت بيستفزك اسمعي مني هي مها وحتي لو هو عارف وساعدها بس دي دماغ مها هنتوه عن مقالبها
دره ماشي خليهم يتفقوا ويساعدوا بعض وانا مش هنسكت ادام فرحانين باللعب نلعبوا ورانا ايه
دعاء علي قولك
في شقه رفاعي
كرم حلوه النمره اللي عملتيها في قلب الشارع
مها تستاهل مش واقفه قدامنا وبتتحدانا تشرب بقي
كرم خفي هتطبل علي راس اخوكي دي فاكره ان انا اللي بوظت هدومها
مها علي اساس مساعدتنيش يا طيب يا برئ
كرم ساعدتك بس انا عارف انها مش هتعديها
مها اعلي ما في خيلها تركبه
كرم طب خفي من ناحيه سونه عشان سونه ما هتصدق تقفش في دراعي اديني بنقولك اهو هتصحي الصبح تلاقيها هي اللي كاتبه عليا مش انا اللي كاتب عليها
مها بضحك لما تشوف حلمة ودنها
بعد ساعتين كل واحد راح علي شقته دخل البنات ناموا
وابتسمت دره ابتسامه شړ
وقررت ټنتقم من كرم راحت علي شنطتها خرجت منها أزازه صغيره فيها دهان جابته من محل طلاء
كان باللون الاسود
دره انت اللي بدأت يا كرم
بس هنرشها ازاي دي
فضلت تفكر ازاي هتقدر ترش علي غسيله مش لاقيه بخاخ ولا عارفه ترش بايه
دره وبعدين يا دره هتقفي زي الهبله كده مش عارفه
تتصرفي ازاي
دخلت علي المطبخ تدور في درج المنظفات علي اي بخاخه فضلت تدور لقت واحده فرحت وبسرعه فضت اللي فيها وفضت الازازه بتاعت اللون جواها و زودتها مايه عشان تخرج بسهوله من البخاخه وراحت بهدوء فتحت البلكونه ولقت هدوم كلها بيضا
دره خلتلي الاسود ابيض وانا هنخلي الابيض اسود اشرب يا كرم يا رفاعي
وبدأت دره ترش علي الغسيل بتاعه وهو عامله زي الاطفال ومبسوطه
ركزت دره علي تيشرت كان في النص وابتسمت
دره وعشان تعرف اني مش مؤذيه مش هنرش علي هدومك ونبوظها كده وخلاص انا هنعملك استايل كمان
حركت دره البخاخه مره بالطول ومره بالعرض اتكتب معاها حرف الدال وبعدين عملت شكل مايل حرف الراء وبعدين فضلت تحاول تعمل دايره
وكتب علي التيشرت بتاعه دره
دره ياسلام عليكي يابت يا دره فنانه استني بقي نعملك قلب يارب بس يطلع مظبوط
حاولت علي قد ما قدرت وعملت قلب صحيح مكانش ظابط اوي لكن كان باين انه قلب
دره ياسلام عليكي يابت يا
