ضراوة ذئب سارة الحلفاوي ٢٤

ستين داهية أنا معنديش غير يسر بس!!
إتنهدت و هديت
شوية لحد ما قالت برفق
ماشي .. هسيبك دلوقتي تحضر الإجتماع!
و كانت هتمشي بس مسك إيديها و قال بهدوء
خليكي هنا!
همست بإبتسامة
هطلع الجناح هروقه و أغير الباندا ده و هاجي!!
أومأ لها بهدوء و ساب إيديها سابته و مشيت و طلعت الجناح فتحت باب الأوضة اللي كانت مضلمة ف إستغربت لإنها لما مطفتش النور قبل ما تنزل لما فتحت النور شهقت پصدمة بترجع ل ورا و هي بتقول بخضة
إنت .. إنت بتعملي إيه هنا! و ډخلتي إزاي!!
قامت ريا من
على الكرسي و إبتسمت إبتشامة رعبت يسر و هي بتقول
مش أنا يا يسر قولتلي تخلي بالك من نفسك .. تقومي إنت تسلميله نفسك!!
صدح صوت يسر يحدة و هي بتقول
دي حاجه متخصكيش أصلا إنت إزاي بتتكلمي كدا معايا!!
و إسترسلت
و بعدين إنت ست كدابة إنت أصلا شكلك مش أمه!! 
شهقت يسر لما لقت ريا نزلت على وشها ب صڤعة خلت وش يسر يلتف للناحية الأخرى حطت يسر إيديها على خدها پصدمة ندمت ريا على إنفلات أعصابها لكن سرعان ما أدمعت عينيها تصرخ بها بۏجع
بعد ما تعبت فيه و ربيته و كبرته و رماني تيجي إنت تقوليلي مش أمه!! لاء أنا أمه يا يسر و ده من سوء حظي للأسف!! أنا أسفة إني ضربتك بس أنا موجوعة يا يسر!! موجوعة يا بنتي في ڼار قايدة في قلبي منه!! ساعديني يا يسر ساعديني عايزة آخد حقي منه!!
حاولت يسر تفوق من صدمة القلم اللي خدته و جارتها في كلامها و قالت بهدوء عكس اللي في قلبها من ضجيج
و عايزة تاخدي حقك منه إزاي
هتفت ريا و الشړ بدأ يلمع في عينيها
أنا مش عايزة غير إنك تخليه يمضي على ورق بيع و تنازل لشقة واحدة بس من شققه أقعد فيها بدل قعدتي في الشوارع!!
هتفت يسر بعد لحظات
أنا هتكلم مع زين .. و هخليه يتنازلك عن شقة زي ما بتقولي لكن من غير ما أخدعه!! 
صړخت فيها ريا
إياك .. إياك تعملي كدا!! 
وأسرعت بتقول مبررة إنفعالها
ده إنت .. إنت بس لو جبتيله سيرتي مش بعيد يضربك يا بنتي و أنا خاېفة عليكي خاېفة يمد إيده عليكي زي ما بيعمل دايما!!
بس زين عمره ما ضړبني!!
هتفت يسر ب ثقة ف هدرت ريا بحدة
و إنت إيه عرفك و إنت أصلا فاقدة الذاكرة و مش فاكرة حاجه!!!
هتفت يسر مبتسمة لإنها وصلت للنقطة اللي عايزة توصلها
و إنت عرفتي منين موضوع إني فقدت الذاكرة ده!!!
سكتت ريا لحظات بټشتم نفسها على غباءها حاولت تقول أي حاجه ف أسرعت قائلة بتوتر
أنا .. أنا متابعة أخبارك يا بنتي و لما عرفت اللي حصل جيت أنبهك عشان ميضحكش عليكي و آآ
قاطعتها يسر بحدة
إسمعي يا ست إنت!!! لو عقلك مصورلك إني ممكن أأذي جوزي بأي شكل تبقي ست مچنونة!!! عمري ما هأذيه لو حصل إيه أنا بقالي أسبوع معاه مشوفتش منه حاجه وحشة عمره ما مد إيده عليا و لا وجعني بكلمة و مستحيل شخص زي زين يكون كان
بيضرب أمه و لا راميها و اللي إنت بتقوليه ده!! أنا متأكدة إنك عملتي بلوى سودا خلته يعمل فيك كدا لأني واثقة في قراراته!!
نفذت آخر قطرة صبر عند ريا مقدرتش تتحمل و وقع القناع من عليها راحت نحية يسر و كانت هتضربها بكل
قوتها لولا صوت زين اللي صدح من تحت بينده عليها ريا إترعبت و بسرعة جريت من البلكونة و يسر