التاسع عشر و العشرون ٢١ و ٢٢ بين غياهب الأقدار نورهان العشري

هستيري 
هخلص عليك زي ما دمرتني .. مش هتفلت من ايدي انت و هي ..
أخذ يتلوى بين يدي الحراس و هو يصيح و يتوعد بينما الټفت سالم الي مروان قائلا بلهجة آمرة 
خد ماما والبنات علي جوا 
هرولت فرح تجاهه بأقدام متلهفة و قلب مړتعب ولكنها توقفت إثر كلماته التي اغضبتها فهبت معانده
انا مش هتحرك ولا خطوة واحدة و أسيبك مع المچنون دا ..
كان رعبها الجلي شفيعا لعنادها و لهجتها الحادة ف الټفت ناظرا إليها بنظرات مطمئنه تنافت مع لهجته حين قال بصرامة
الموضوع خلص و مفيش حاجة تقلق. الحرس قبضوا عليه..
عاندته بتوسل انبعث من عينيها أولا 
سالم
أمرها بلهجة أقل حدة 
استنيني فوق يا فرح..
تراجعت إلى الخلف دون حديث فقط نظرات حزينة غاضبة تشبه خطواتها التي قادتها الى باب المنزل متجاهله نظرات شيرين التي لأول مرة تراها خائفه و بجانبها همت التي كان القلق مرتسم علي ملامحها وهي تنظر إلي ذلك الرجل الذي لم تتعرف علي هويته بعد وحين أوشكت علي الدخول الي باب المنزل تسمرت في مكانها حين سمعت كلماته المسمۏمة
مفكر انك انتصرت عليا و خدتها مني .. لا .. انا اللي مش عايزها.. سمعاني يا شيرين . انا اللي مش عايزك ..
لم يكد ينهي جملته حتي تفاجئ من ضړبة قوية أصابت رأسه من الخلف و التي لم تكن سوي ل طارق الوزان الذي كان قادما من الخارج حين سمع حديث أحمد زوج شيرين
طارق 
هكذا صاح مروان باندهاش حين رأى شقيقه و قد نال كلا الشقيقين نصيبهم من الصدمه حين شاهدوا ذلك الذي لم تطأ قدماه أرض الوطن منذ أكثر من عشر سنوات.
اقترب مروان من شقيقه وقام بعناقه بشوق بادله إياه طارق بينما قام سالم بأمر الحرس أن يدخلوا أحمد الفاقد للوعي غرفة المكتب الخاص به وقام بمعانقة طارق قائلا بسخرية 
جاي فى التوقيت المظبوط اول مرة تعمل حاجه صح ..
بادله طارق سخريته حين قال 
تلميذك يا كبير..
حمد لله عالسلامه يا طروق. ليك وحشة يا غالي..
هكا تحدث سليم وهو يعانق طارق بحبور فأجابه طارق بمزاح 
الله يسلمك يا سولوم . ليا وحشة ايه يا عم دانتوا نسيتوني ولا اكني من العيلة.
أجاب مروان بتهكم 
احنا أساسا متبريين منك من زمان و مش معتبرينك من العيلة..
اومال مين الجدع اللي خرملك عينك كدا
هكذا تحدث طارق وهو يرمق مروان بسخرية فأجاب الأخير بحنق
واحد سبحان الله بيفكرني بيك نفس غباوتك ..
لم يكد ينهي جملته حتي تفاجئ بلكمه طالت عينيه اليسرى اتبعها طارق قائلا بتقريع
طب خد دي بقي عشان تبقي بعد كدا قد المسئوليه 
تأفف سالم بنفاذ صبر
انا هدخل.. مش فاضي ل هزاركوا السخيف دا .. ورايا يا سليم ..
تألم مروان و صړخ بحنق 
الهي يجيك كسر ايدك يا بعيد . انا عملت ايه يخربيوتكوا ..
طارق بحدة
دي اقل حاجه على استهتارك . امبارح يادوب وصلت من السفر و داخل البيت لقيت تعبان كان بينه و بين ريتال خطوتين لولا ستر ربنا كان معايا سلاحي و ضړبته كان ممكن قرصها. 
انكمشت ملامحه پذعر و نسي آلامه وهو يقول بلهفة 
انت بتقول ايه طب هي عامله ايه دلوقت 
طارق بتهكم 
وهي لو فيها حاجه كنت زماني سايبك لحد دلوقتي علي رجليك..
مروان بحنق
ودا من أمتي أن شاء الله الأبوة نقحت عليك كدا مرة واحدة ! مانت سايبها وداير تلف في بلاد الله..
طارق بتأفف
سيبك من الهرى ده . هو ايه اللي داير هنا الليله دي علي ايه
مروان باستهزاء 
علي خيبتك ! 
ما أن رأى أمارات الڠضب بادية على ملامح اخيه حتي تابع و هو يهرول بعيدا عنه 
والله مانا قايلك حاجه. هروح اطمن علي ام اربعه واربعين بنتك الأول.
انت اكيد مش جاي تنام لنا هنا !
هكذا تحدث سالم بتأفف و هو يناظر احمد الذي بدأ بإستعادة وعيه شيئا فشيئا و حانت منه نظرة مطوله علي المكان من حوله و من ثم الټفت إلي سالم قائلا بحنق 
انتوا عملتوا فيا ايه
سالم بفظاظة
لسه هنعمل . متستعجلش على رزقك ..
احمدبانفعال 
هو في اكتر من اللي عملته !
صاح بتأفف 
اللي هو ايه عندي فضول اعرف ايه اللي عملته خلاك تهبل كدا
كان الألم الذي يلون ملامحه يتنافى مع حدته وهو يقول
مفكر لما تأذيني في شغلي و اكل عيشي كدا بتتتقم مني هي دي الرجولة في نظرك !
ضيق عينيه بينما رسمت ملامحه تعبيرا خطړا يشابه نبرته حين قال بوعيد 
انا ممكن اوريك دلوقتي حالا الرجوله عامله ازاي 
انكمشت ملامحه من هذا الټهديد و تلك النظرات المرعبة التي جعلته يتراجع قائلا 
لو كل دا عشان أطلقها فأنا مستعد اعمل دا من الصبح . هي اصلا متلزمنيش
اركنلي موضوع الطلاق علي جنب دلوقتى . و اشرب الليمون دا عشان نعرف نتكلم ..
هكذا تحدثسالم بنبرة فظة و نظرات تحمل خلفها الكثير مما جعل احمد يرتاب في أمره ولكنه أطاعه بصمت و بعد أن تجرع كوب الليمون كاملا قال بجفاء
كلامك و نظراتك مش مريحيني .. انت