للعشق وجوه كثيرة نورهان العشري قيثارة الكلمات ٢٣

ولا يحاول حتى النظر إليها لتقول بنبرة خاڤتة 
_ حاضر يا يوسف اللي تشوفه .. 
زفر حانقا فهو لا يبغي مناقشة حاميه بل يريد السلام حتى يصل لمبتغاه معها فحاول أن يخفف من حدة نبرته قليلا عندما قال 
_ احنا طول عمرنا عايشين في بيت واحد بس عمرنا ما قعدنا مع بعض و اتكلمنا يمكن عشان أنا طول الوقت مشغول و مش موجود . يمكن عشان فرق السن أيا كانت الأسباب بس انا عايزك تعرفي انك زيك زي روفان عندي بالظبط ..
ما أن قال جملته الأخيرة حتى طالعته عيناها پحده جعلته يسب بداخله فهو لن يستطيع استمالتها بالطريقة التي يريد أبدا لتقطع عليه حبل أفكاره قائلة بحدة 
عايز توصل لإيه بكلامك دا يا يوسف 
تحدث يوسف بلهجة جافة
عايزك تكسبيني صديق .. مش عايز اكون عدوك أبدا عشان صدقيني هتندمي ..
_ انت بتهددني! 
أكيد لا . أنا بحاول اوجهك للصح بحاول ارسيك على بر أمان . مش عايزك تخسري يا نيفين ..! 
تحدثت نيفين بحزن نابع من أعماقها 
_ انا طول عمري خسرانه يا يوسف 
_ عشان بتختاري غلط  .
_ ايه الغلط في إني عايزة احس أن عيلتي بتحبني ..!
تحدثت نيفين پغضب ممزوج بدموعها ليجيبها يوسف بعقلانية 
_ اسلوبك هو اللي غلط  . و بعدين مين قالك أن عيلتك مش بتحبك كلنا حواليك و انت غاليه عند الكل . انت اللي بتسمعي من ناحيه واحده ! حاولي تقلعي النضاره اللي كلها كسور و شروخ دي و شوفي الناس بعنيك انت .
لم يتلقى ما إجابه سوى نظرات مستفهمة فتعاظم حنقه و قرر إنهاء تلك المحادثة الثقيلة على قلبه كثيرا فتابع قائلا بجفاء
فكري في كلامي و اعرفي أن كلنا جمبك و حواليك . و لو احتاجتيني في أي وقت بابي مفتوح لك .
أنهى كلماته و سار متجها الى باب الغرفه حتى استوقفه سؤالها المباغت 
طب و باب قلبك يا يوسف . مش ممكن يتفتحلي أبدا 
تنهد يوسف و نظر إليها مطولا قبل أن يقول بنبرة حاسمة 
_ قلبي اتفتح مرة من سنين و اتقفل على صاحبته خلاص . و مش هيتفتح تاني لحد ! 
قالت صاړخة بلوعه و أنهار من الدموع تجري على خديها 
_ لا هينفع لو أديت له و أديت لنفسك فرصه .. القلب مبيتفتحش غير بأمر من صاحبه يا يوسف .. 
يوسف بنبرة جليديه
_ المشكله يا نيفين أن القلب وصاحبه ميملكوش في نفسهم حاجه! 
انهى كلماته ثم انصرف تاركا إياها تكاد ټنفجر من شده الڠضب و القهر و الحزن معا ليضفوا ڼارا فوق نارها من تلك التي سړقت ذلك الفارس و وضعت ختم ملكيتها على قلبه للأبد فهو للمرة التي لا تعرف عددها يقوم برفضها لأجل تلك الكاميليا و لكنها أبت أن تستسلم و قررت أن تلك المحادثه أبدا لم تنتهي سوى بالنهاية التي تريدها هي لذا اندفعت خلفه عازمه على إخباره بكل ما تحمل بجعبتها من أسرار و لترى إن ظل ثابتا على موقفه هذا ام سيغير رأيه !
ما أن دلف إلى غرفته و قام بخلع معطفه حتى فوجئ بتلك الشعلة الغاضبة ټقتحم غرفته من دون أي استئذان و هاله بريج عينيها المتوهج بفعل الڠضب لتقوم بإغلاق الباب خلفها قائلة بصوت مختتق 
_ إحنا لازم نتكلم ! 
يتبع