للعشق وجوه كثيرة نورهان العشري قيثارة الكلمات ٢٤

فرط الإشتعال و انفاسه الموقدة توازي ضجيج صدره المحترق بنيران العشق الذي روى خديها فأنبت زهرا مشعا مما جعله يقوم بقطف ثماره بتروي و يغرسها بين بطينانه فهو مكانها الصحيح و لن يقبل أبدا ان تنشق عنه بعد الآن و قد كانت تشاطره الرأي قولا و فعلا  فبادلته القرب بأقرب حتى أنه شعر بأن الأرض لم تعد تحمله من فرط السعادة ليقول بصوت أجش 
_ عرفتي منين إنك وحشتيني 
أجابته كاميليا بنبرة خاڤتة لها وقع مثير 
_ يمكن عشان انت كمان وحشتني  ...
أنهت كلماتها تزامنا مع انهمار شلال المطر من عينيها التي أحرقت صدره ليحوي ۏجعها بين كفوفه و يلف ضماد كلماته فوق چراحها النازفة  
_ ليه الدموع دي . 
لم تفصح عن چراحها و اكتفت بإعلان شوقها صراحة
_ قولتلك وحشتني .. 
ولكنها اخفضت رأسها خوفا من أن تعري عينيها عمق ۏجعها الذي صداه كان مؤلما بحق فهمس بهسيس خشن
_ إيه اللي واجعك يا كاميليا 
_ قلبي يا يوسف . قلبي واجعني أوي 
غافلتها الكلمات و انبثقت من بين شفتيها على هيئة جمرات حارقه فوق طيات قلبه الملغم بآلام و آثار مضنية و لكنه حلول احتواء ۏجعها قائلا بحنو 
_ سلامة قلبك يا روح قلبي .. 
همست بحړقة منبعها جوفها المشتعل
_ جواه ڼار قايدة و مش راضيه تنطفي . 
شدد يوسف من احتوائه لها  فكيف لا يعلم بنارها و قد أحړقته قبلها فهو يعلم مقدار غيرتها و لكنه لا ينبغي أن يكن أنانيا بعد الآن و يجب أن يعيدها إلى رشدها و يضع الأمور في نصابها الصحيح لكي يعاد ترميم هذا المنزل من جديد فأخذ يربت على ظهرها بحنان قائلا بصوته العذب 
و أنا روحت فين من كل دا ! 
اندفعت بنبرة محرورة
_ أنت اللي ولعتها يا يوسف و دا اللي واجعني أكتر . أنك كنت قاصد دا .... 
رفعت رأسها تطالعه بعينين تبلور بهم العتاب و الألم الذي انعكس على نبرته حين قال
أنا مقصدتش اوجعك .. انا بس قصدت افكرك باللي كنت عايزاني اعمله . اني اعيش حياتي ووو
_ متكملش . أوعى تكمل أرجوك . انا لو كنت أطول اقطع ايدي اللي كتبت كدا كنت قطعتها والله العظيم ... 
تلهفت نبرته حين قال وهو يستند بجبهته على خاصتها   
_ اوعي تقولي كده تاني .
_ لا هقول يا يوسف و انت لازم تسمع 
لم يستطع مقاومة إغواء الحديث معها ووالنظر إليها عن قرب بعدما ذاق لوعه فراقها و قد راقه كثيرا نبرة التحدي التي لونت نبرتها 
_ قولي اللي جواك . سامعك .
تجاهلت ضجيج قلبها إثر عينيه التي تشملانها بعشق لم تخطئ في فهمه ولكنها حاولت الثبات قدر الإمكان حين قالت 
_ لو كنت مفكر انك كدا بتربيني و بتتأكد إني اتعلمت من الدرس فأنت اتأخرت اوى . أنا اتعلمت الدرس من اول لحظه مشيت فيها و سبتك هنا و أنا سايبي روحي معاك
تحشرج صوتها وهي تضيف
_ اتعلمت الدرس في كل ثانيه اتمنيت بس المح طيفك حواليا عشان أحس بالأمان بس كنت بفتكر إني أنا اللي ضيعتك من ايدي . في كل لحظه كنت بتجنن من شوقي ليك كنت بندم و اتمنى أني أكون في كابوس و أصحى منه الاقيني جنبك .
حاولت كظم ۏجعها بشتى الطرق وهي تقول
_ مش انت اللي هتعلمني الدرس . قلبي اللي علمهولي .
ارتفع رأسها و هي تناظره بعنفوان إمرأة صنعت من رماد حطامها جدار تتكئ عليه 
_ لكن لو فاكر إن كاميليا الحسيني هتقدر تكسرها بواحده تانيه و خصوصا لو كانت الواحده دي نيفين فأنت غلطان و غلطان اوي كمان . عشان قلبي اللى جابني لحد عندك دلوقتي يشتكيلك منك هو بردو اللي هياخدني من إيدي و يقولي المكان دا مش مكاننا .
لم تفلح في إخماد لوعتها وهي تقول 
_ اغضب زعق كسر اضرب حتى لو دا هيريحك و يخليك تتأكد إني فعلا اتعلمت من غلطي بس اوعى توجع قلبي كدا تاني .
أنهت كلماتها لاهثه فهي تعلم أنها قد تمادت كثيرا معه و