للعشق وجوه كثيرة نورهان العشري قيثارة الكلمات ٢٤

و إلا مكنتش اتصلت .
ما أن ختم كلماته حتى أتاه صوت كارما القادم من الخارج قائلة 
_ يالا يا لول.. الناس جت تحت تعالى عشان تفتح لهم 
شعرت روفان بالحرج فقالت بلهفة
_ طب شكلك مشغول اسيبك بقي لضيوفك .
علي بتذمر 
_ للأسف مضطر اقفل معاك لإن الضيوف دي مينفعش تتأجل .
خربش الفضول جدار قلبها لتسأله بلهفه 
_ ليه هما مهمين أوي كدا 
_  أه يا ستي دا عريس جاي لغرام أختي و جاي من آخر الدنيا عشان نقرأ الفاتحه النهاردة . انت ممكن تكوني تعرفيه دكتور رامي اللي كان بيشرف على حاله كاميليا في المستشفى . فللأسف مقدرش اكنسل الميعاد و إلا مكنتش سيبتك . 
اطمأن قلبها لكونها عرفت ماهيه ما يحدث لتقول بخجل 
لا و لا يهمك .. الف مبروك . عقبالك .
أجابها علي متخابثا 
_ هنشوف موضوع عقبالك دا بعدين . سلام دلوقتي و نكمل وقت تاني في كلام كتير عايز اقولهولك.
أغلقت روفان الهاتف و وضعته فوق قلبها الذي كان يرقص طربا لتلميحاته المبطنه و ايضا تصريحه باشتياقه لها بعد ما كانت تعاني الأمرين من افتقادها له هاهو يعيد إلى قلبها الطمأنينة و يبثها بكلمات بسيطه تلك السعادة الفريدة من نوعها التي لم تشعر بها قط طوال حياتها حتى أنها شعرت بأن الأرض لا تحملها و أخذت ترقص مغمضة العينين داخل غرفتها و تدور حول نفسها مثل الفراشة لتصدم بتلك التي كانت تستمع لحديثها من بدايته و تنظر إليها بخبث فقد فهمت على الفور بأن صديقتها قد وقعت في العشق .. 
_ الله .. الله دا ايه الفراشه البي طايرة في القصر بتاعنا دي أن شاء الله !
روفان بحنق
_  ايه يا هبابه انت خضتيني . مش تخبطي و لا تكحي و انت داخله !
تشدقت ساخرة 
_ ياتي بطه . الأوزعة بتاعتي بقت بتتخض زي باقي البشر ! لا . لا مش مصدقه نفسي .
روفان بحنق 
_ خفه . ايه يا بت اللطافه دي 
اغمضت كاميليا عين وفتحت الأخرى ثم ألقت ذراعها حول كتفي روفان قائلة بنبرة ذات مغزى 
_ اممم و هيبقى الطف و الطف لو قولتيلي ايه الجو اللي كان في الفون دا 
ارتبكت من كلمات كاميليا خشيه انفضاح أمرها فقالت بارتباك 
_إيه ده هو انت واقفه هنا من امتى 
قامت كاميليا بافتعال ملامح حالمية علي وجهها و قالت بلهجة رومانسيه مفتعله 
_ من أول متصلتش بيا ليه من ساعة ما مشيت أة اقصد متصلتش تسأل علي كاميليا ليه هي مش بردو بنت خالتك ! بتجيبوا سيرتي ليه ها ليه 
امتعضت ملامح روفان من افتضاح أمرها كليا امام صديقتها فقالت بجفاء 
_ أهو اخيرا بقالك لازمه و الواحد هيعرف يستفاد منك بحاجه .
قامت كاميليا بالعبث بخصلاتها بمزاح وهي تقول 
_ أنا يا أوزعه ماليش لازمه !
تحدثت روفان بتأفف محاوله نزع خصلاتها من يدها
_ بس يا بت سيبي شعري .. 
عاندتها قائلة 
_ مش هسيبه غير لما تقوليلي الموضوع من طأطأ لسلامو عليكوا  .
برقت عين روفان من فرط الإثارة ثم قامت بإعتقال رقبة كاميليا ساحبه إياها للجلوس فوق مخدعها سويا قائله بحماس 
_  تعالي هقولك دانا عندى كلام كتير عايزة احكيهولك يا بت يا كامي .
شاركتها كاميليا الحماس معانقه هي الآخرين رقبةروفان وهي تصيح بمرح 
_ ايوا  بقي عايزين نرجع أيام الرغي و النميمة بتوع زمان .
أعتقد أن من اجمل ما يمكن أن يمتلك الإنسان في حياته هي روح آخرى تشاركه جميع أحزانه و أفراحه تحنو عليه وقت احتياجه فقد جاء الصديق من الصدق . الصدق في كل شئ لذا فأنا أعتقد بأن التعريف الصحيح للصديق هو ذلك الشق الذي انشطر من روحك ليسكن جسد آخر حين تحتضنه تشعر بالإكتمال فإن كان كل البشر كاذبون فروحك أبدا لن تفعل فهي دوما صادقه فهنيئا لمن وجد ذلك الشق المفقود من روحه .
نورهان العشري 
في مكان آخر نجد روح تائهه لا تدري علي أي أرض تقف أو بأي مكان عليها التواجد .. تشعر بأنها وضعت نفسها بين شقي الرحى