للعشق وجوه كثيرة نورهان العشري قيثارة الكلمات ٢٧

اتصالاتها الغامضة 
_ احنا لازم نخلص من نيفين في اقرب وقت . مش هينفع نتأخر اكتر من كدا . دي بقت خطړ علينا 
كان يوسف يقود سيارته بأقصى سرعه ممكنه حتى يصل إلى وجهته و لكنه كان بين الحين و الآخر ينظر إلى تلك التي تجلس على المقعد المجاور له فيجد الضياع يسيطر على جميع ملامحها فقرر إعطائها المساحة الخاصة بها فهي بحاجه للهدوء قليلا بعد كل تلك الأحداث و لكن صمتها طال أكثر من اللازم خاصة بالنسبة الى طبيعتها في حضرته فهي تعشق للحديث معه حتى ولو لم تجد ما تقوله ليقرر قطع ذلك الصمت قائلا 
_ فاكرة لما للعروسه بتاعتك اللي كانت ممتك جيبهالك ضاعت زمان 
خرجت منها تنهيدة حاړقة و قالت بصوت حزين 
_ فاكرة .
اكمل يوسف حديثه و هو ينظر أمامه و لكن جميع حواسه كانت معها 
_ يومها قعدتي ټعيطي كتير أوي وانا كنت جاي من السفر لقيتك مڼهارة . اټجننت افتكرت حد زعلك لقيتك بتقوليلي أن عروستك ضاعت . قولتلك طب و ليه مدورتيش عليها قولتيلي دورت في أوضتي ملقتهاش . سألتك هي غاليه عليك  قولتيلي غاليه اوي . قولتلك يبقى تقلبي الدنيا عليها مش تدوري في اوضتك بس و لما متلاقيهاش تستسلمي و تقعدي ټعيطي .
ابتسمت كاميليا بوهن قائله بصوت مبحوح من فرط البكاء 
_ وقتها كانت نيفين مخبياها مني في اوضه جدو عشان واثقه اني مش هلاقيها لأني كنت بخاف ادخل عنده .
ابتسم يوسف هو الآخر ثم قال 
_ يوميها ضحكتي ضحكة عمري ما قدرت انساها . فضلت محفورة في قلبي .
لمست كلماته أوتار قلبها الذي رقص طربا على أنغام عشقه فقالت بخجل 
_ معقول منستش 
_ عمري ما اقدر انسى حاجه تخصك يا كاميليا .
بس انت بتنسي !
عقدت جبينها و قالت باستنكار
_ انا بنسى ! انا عمري ما نسيت حاجه تخصك .
يوسف بخشونة
_ لا نسيتي اللي قولتهولك وقتها .
تنهدت بتعب قائلة بنبرة مشجبة  
_ منستش والله يا يوسف . بس ڠصب عني اللي تايهين مني دول مش عرايس دول بنات خالتي و اكتر من اخواتي . الناس دي خدتني في حضنها في أصعب لحظاتي . ڠصب عني 
_ و للعروسه وقتها كانت اغلي حاجه عندك . متياسيش أبدا يا كاميليا . اليأس دا اكتر حاجه ممكن تخلي حياة الإنسان چحيم . في ربنا فوق سابع سما مستنينا ندعيله عشان يستجيب . متسبيش الحزن يتمكن منك عشان وقتها انت اللي هتبقي عدوة نفسك . خلي نفسك طويل . الحياة مابتحبش الضعيف و لا قليل الحيله . خليك قويه و متستلميش بسهوله دي دنيا مش جنه .
اعتادت كلماته على التخفيف عنها في أحلك مواقفها لذا لم تستطع سوي الابتسام والنظر إليه بعينين يتناثر منها العشق 

_ كلامك طول عمره بيطمني يا يوسف . ربنا يخليك ليا .
ظل انظاره معلق على الطريق أمامه و لكن انفرجت شفتاه عن ابتسامة عذبة اذابتها كنا فعلت لهجته حين قال بخشونة
_ وحشتني ضحكتك الحلوة اوي عشان كدا اوعدك أني هعمل المستحيل عشان اشوفها تاني .
انشرح قلبها بوعده المبطن و امتدت يداها تحتوي ذراعه القابضه على المقود و هي تقول بلهفة 
_ هترجعهملي تاني يا يوسف مش كدا 
امتدت يداه الأخرى تحوي كفها الذي لثمه بعذوبه قبل أن يجيبها بثقة 
_ أن شاء الله يا حبيبتي .