للعشق وجوه كثيرة نورهان العشري قيثارة الكلمات ٢٥ و ٢٦

كنت بتقولي نفسي أشيل ابن ليك يا مراد . اديني جبتهولك و جيت . ايه دا كمان غلط !
_ عمي مراد اهدي شويه . مش شايف حالته !
تحدث يوسف بعد أن وجد جده علي وشك الإختناق مرة ثانيه ليتابع رحيم پغضب 
_ أسلوبك و طريقتك غلط .. لما انت متجوز ليه مجتش قعدت زي الناس و قولت ليه ممهدتش لبنتك اللي انكسر قلبها منك الف مرة كل دا عشان تدوس على سميرة و تقهرها و الحقيقة ان القهرة الحقيقيه كانت لنيفين حفيدتي اللي دمعه من عنيها تسوى الدنيا كلها عندي .
_ عندك حق انا غلطت إني جبت إبني و جيتلكوا هنا أنا ماشي .
قالها مراد پغضب و انطلق نحو باب الغرفة ليقاطعه رحيم صارخا پغضب
_ استني عندك . أحنا مش لعبه في إيدك عشان تيجي تقول أنا عندي عيل وبعدين تاخده و تمشي حفيدي مش هيخرج من بيتي أبدا
توقف مراد بمكانه لدى سماعه كلمات والده و عندما رأى احتقان وجهه عاد إليه بسرعة محاولا تهدئته فقال بمسايسه 
إهدى يا بابا . اللي انت عايزة هيحصل .
نظر رحيم لمراد مرة ثانيه و قال بهدوء بعد أن التقط أنفاسه الهاربه 
_ أم الولد فين 
ترقرقت الدموع بعيني مراد و قال بحزن و خيبه أمل 
_توفت من تلت أيام .
صدمة خيمت على ملامح كلا من يوسف وجده ليتابع مراد پألم 
_ ميرفت كانت مريضه سړطان و للأسف اكتشفناه متأخر أوي و العلاج منفعهاش بأي حاجه و فضلت تعاني لحد ما توفت من تلت أيام في المستشفى 
_ و حفيدي كان قاعد فين و مع مين 
قالها رحيم بحزن ليجيبه مراد بأسى
_ كان قاعد مع المربية بتاعته و أنا كنت بروح و باجي عليه .
_ شد حيلك يا ابني البقاء لله . 
قالها رحيم بمواساه و تعاطف لحاله إبنه ليجيبه مراد بحزن دفين 
_ ميرفت سابتني و راحت زي اللي راحوا يا
بابا . يظهر مش مكتوب عليا أحب حد و يفضل معايا . 
انهى مراد كلماته تزامنا من نزول دمعه هاربه من عينيه تحكي مقدر الۏجع الكامن بداخله ليهب واقفا و هو يقول بعجاله حتى يغادر هذا المكان قبل أن ينتهي به الأمر باكيا امام والده وابن أخيه 
_ انا هروح مشوار صغير و هرجع على طول ياريت تخلوا بالكوا من زين على ما ارجع .
قطع الخطوات الفاصلة بين و بين باب الغرفة بسرعة فقد كان جل ما يتمناه في تلك اللحظة الاختفاء عن عيون الجميع حتى يستطيع أن يطلق العنان لحزنه الذي يتكرر للمرة الثانيه ولكن اوقفه صوت يوسف الذي ناداه ثم اندفع تجاهه معانقا إياه قائلا بحزن 
_ البقاء لله يا عمي ربنا يرحمها و يصبرك . 
بادله مراد العناق بقوة و كأنه يشكو له من ها الألم الماثل فوق قلبه فتدحرج الألم من بين شفاهه حين قال 
_ متضيعش حياتك زي عمك يا يوسف و خلي بالك من كاميليا . صدقني يا ابني مفيش حاجه في الدنيا ممكن تعوض الراجل عن واحده بيحبها . ارمي كل حاجه ورا ضهرك و عيش معاها . متأمنش أبدا للأيام .
_ عيط كتير 
كاميليا بأسى
_ اكيد و خصوصا أنه مع ناس غريبه عنه و اول مره يشوفها . مقادموش حاجه غير العياط
اقترب منها يعيد توازن تلك الخصلة الهاربة خلف أذنيها قبل أن يتحدث بنبرة ذات مغزى
_ بس الناس دي مش غريبه عنه يا كاميليا . دول أهله ! 
اختلط الشجن بالأسى في نبرتها حين قالت 
_ حتى لو كانوا أهله بس هو عايز ممته بيقول بقاله كتير مشفهاش .
تحدث يوسف بنبرة تشوبها بعض المرح ليخرجها من هذا الحزن المخيم عليها ..
_ ياااه ده انتوا بقيتوا اصحاب و بتاخدوا و تدوا مع بعض دانا هبتدي اغير .
لم تفلح كلماته في انتزاع رنه الحزن في صوتها ولا كفكفة عبراتها حين قالت
_ يمكن عشان يتيم زيي ففهمنا بعض .
احتواها بين قضبان عشقه وهو يقول بنبرة جافة يشوبها الحزن
_ اوعي تقولي الكلمة دي تاني . لما أموت يا كاميليا ابقي قولي على نفسك يتيمه . لكن طول مانا عايش انا كل حاجه ليك و انت