رواية قطرة حياة

ﻓﻨﺰﻝ ﻳﻘﺎﺑﻞ ﺳﻠﻴﻢ
ﻳﺎﺳﻴﻦ ﻗﻠﻲ ﺑﻘﻲ ﺍﻧﺖ ﻟﻮ ﻣﻜﺎﻧﻲ ﻫﺘﺘﺼﺮﻑ ﺍﺯﺍﻱ
ﺳﻠﻴﻢ ﻃﻴﺐ ﺍﻧﺖ ﻣﺘﻌﺮﻓﺶ ﺍﻳﻪ ﺑﺎﻟﻈﺒﻂ ﻭﺟﻪ ﺍﻋﺘﺮﺍﺿﻬﺎ ﻋﻠﻴﻚ
ﻳﺎﺳﻴﻦ ﺍﻛﻴﺪ ﻋﺸﺎﻥ ﺍﻟﻔﺮﻕ ﺑﻴﻨﺎ 11 ﺳﻨﺔ ﻣﺶ ﺷﻮﻳﺔ
ﻭﺑﻀﺤﻜﺔ ﺳﺎﺧﺮﺓ ﻫﻬﻬﻬﻬﻪ ﻭﺑﺸﺮﺏ ﺳﺠﺎﻳﺮ ﻛﻤﺎﻥ
ﺳﻠﻴﻢ ﺍﻧﺖ ﺑﺘﻬﺰﺭ ﻳﺎ ﻳﺎﺳﻴﻦ
ﻳﺎﺳﻴﻦ ﺑﺈﺑﺘﺴﺎﻣﺔ ﻻ ﻭﺍﻟﻠﻪ ﺑﺘﻜﻠﻢ ﺟﺪ ﻫﻲ ﺩﻱ ﺍﻻﺳﺒﺎﺏ ﺍﻟﻠﻲ ﺧﻠﺘﻬﺎ ﺭﻓﻀﺖ ﻭﺍﺣﺪ ﻭﺍﻳﻪ ﻛﺎﻥ ﺍﺻﻐﺮ ﻣﻨﻲ ﺑﺎﺭﺑﻊ ﺳﻨﻴﻦ ﻳﻌﻨﻲ ﺍﻧﺎ ﺑﺎﻟﻨﺴﺒﺔ ﻟﻬﺎ ﻓﻲ ﻣﻘﺎﻡ ﺍﺑﻮﻫﺎ ﺑﺎﻟﻈﺒﻂ ﻫﻬﻬﻬﻬﻬﻬﻪ ﺍﻟﺒﺖ ﺑﺘﻘﻮﻟﻲ ﻳﺎ ﺍﺑﻴﻪ ﻳﺎﻋﻢ ﺳﻠﻴﻢ

ﺳﻠﻴﻢ ﺑﺼﺮﺍﺣﺔ ﺩﻩ ﻏﻠﻂ ﻣﺎﻣﺘﻬﺎ ﻫﻲ ﻋﺎﺭﻓﺔ ﺍﻧﻜﻢ ﻣﺴﻴﺮﻛﻢ ﻛﺪﻩ ﻛﺪﻩ ﺗﺘﺠﻮﺯﻭ ﻛﺎﻥ ﻣﻔﺮﻭﺽ ﺧﻠﺘﻬﺎ ﺗﺒﻄﻞ ﺍﻟﻜﻠﻤﺔ ﺩﻱ ﻣﻦ ﺯﻣﺎﻥ
ﻳﺎﺳﻴﻦ ﻳﺎ ﺍﺑﻨﻲ ﻣﺎ ﻫﻲ ﺑﻄﻠﺘﻬﺎ ﻭﺍﺗﻘﺎﺑﻠﻨﺎ ﺑﻌﺪﻫﺎ ﻭﻛﺎﻧﺖ ﻧﺎﺩﺭﺍ ﻟﻤﺎ ﺗﻐﻠﻂ ﻭﺗﻘﻮﻟﻬﺎﻟﻲ ﺑﺲ ﺍﻗﺮﺏ ﻭﻗﺖ ﻳﻮﻡ ﻣﺸﻜﻠﺘﻬﺎ ﻭﻟﻤﺎ ﺟﺎﺕ ﺍﻟﻘﺴﻢ ﻗﺎﻟﺘﻠﻲ ﻳﺎ ﺍﺑﻴﻪ ﻭﻣﺼﻠﺤﺘﻬﺎﺵ ﺯﻱ ﻣﺎ ﻳﻜﻮﻥ ﻗﻠﺒﻬﺎ ﺣﺎﺳﺲ ﻳﺎ ﻧﻀﺮﻱ ﻓﺒﺘﻔﻮﻗﻨﻲ ﻭﺑﺘﻘﻮﻟﻲ ﺍﻧﺖ ﻣﺘﻨﻔﻌﻨﻴﺶ
ﺳﻠﻴﻢ ﻭﺍﻧﺖ ﻟﻴﻪ ﺑﺘﺤﺴﺒﻬﺎ ﻛﺪﻩ ﻟﻴﻪ ﻣﺘﺤﺴﺒﺎﺵ ﺍﻧﻬﺎ ﺍﻭﻝ ﻣﺎ ﺷﺎﻓﺘﻚ ﺣﺴﺖ ﻣﻌﺎﻙ ﺑﺎﻻﻣﺎﻥ ﺯﻱ ﻣﺮﺍﺩ ﺑﺎﻟﻈﺒﻂ ﺧﺎﺻﺔ ﺍﻥ ﺣﺎﻟﻬﺎ ﺍﺗﻘﻠﺐ 180 ﺩﺭﺟﺔ ﺍﻭﻝ ﻣﺎ ﺷﺎﻓﺘﻚ ﻭﻓﻀﻠﺖ ﺗﻌﻴﻂ ﻭﻣﻜﻨﺘﺶ ﻫﻲ ﺩﻱ ﺍﻻﻧﺴﺎﻧﺔ ﺍﻟﺸﺪﻳﺪﺓ ﺍﻟﻠﻲ ﻛﺎﻧﺖ ﻭﺍﻗﻔﺔ ﻭﻣﻬﺰﺋﺔ ﺍﻟﺮﺍﺟﻞ ﻭﺍﺣﺴﺎﺳﻬﺎ ﻣﻌﺎﻙ ﺑﺎﻻﻣﺎﻥ ﺩﻱ ﺣﺎﺟﺔ ﻛﻮﻳﺴﺔ
ﻳﺎﺳﻴﻦ ﺩﻩ ﻛﻠﻪ ﺗﻤﺎﻡ ﺑﺲ ﺍﺣﺴﺎﺳﻬﺎ ﺩﻩ ﻣﻦ ﻭﺍﻗﻊ ﺍﻧﻲ ﺯﻱ ﻣﺮﺍﺩ ﺍﺧﻮﻫﺎ ﻭﺍﺑﻴﻪ ﻳﺎﺳﻴﻦ ﻣﺶ ﻳﺎﺳﻴﻦ ﺍﺑﻦ ﻋﻤﻬﺎ ﻭﺑﺲ
ﺳﻠﻴﻢ ﺑﻬﺪﺅ ﻳﺎ ﻳﺎﺳﻴﻦ ﺍﺣﺴﺎﺳﻬﺎ ﺑﺎﻻﻣﺎﻥ ﻣﻌﺎﻙ ﺩﻩ ﻓﻲ ﺣﺪ ﺫﺍﺗﻪ ﺷﺊ ﻛﻮﻳﺲ ﺑﻐﺾ
ﺍﻟﻨﻈﺮ ﻫﻲ ﺑﺘﺸﻮﻓﻚ ﺍﺯﺍﻱ ﻭﺍﻧﻤﺎ ﻓﻲ ﻳﻮﻡ ﻣﻦ ﺍﻻﻳﺎﻡ ﻫﺘﺸﻮﻓﻚ ﺑﻄﺮﻳﻘﺔ ﺗﺎﻧﻴﺔ
ﻳﺎﺳﻴﻦ ﺑﺴﻄﺖ ﺍﻟﺤﻜﺎﻳﺔ ﻓﻲ ﻗﻌﺪﺓ ﺍﻧﺖ ﻣﺎ ﺷﺎﺀ ﺍﻟﻠﻪ
ﺳﻠﻴﻢ ﻭﺍﻟﻠﻪ ﻫﻲ ﺑﺴﻴﻄﺔ ﺑﺲ ﻣﺤﺘﺎﺟﺔ ﺷﻮﻳﺔ ﺻﺒﺮ
ﻳﺎﺳﻴﻦ ﺻﺒﺮ ﻟﻮ ﺍﻧﺎ ﺣﺎﺑﺒﻬﺎ ﺍﻭ ﺣﺎﺑﺐ ﻓﻜﺮﺓ ﺍﺭﺗﺒﺎﻃﻨﺎ ﻟﻜﻦ ﺍﻟﻤﺸﻜﻠﺔ ﺍﻟﻜﺒﻴﺮﺓ ﺑﺠﺪ ﺍﻧﻪ ﺍﻧﺎ ﻣﺶ ﺷﺎﻳﻔﻬﺎ ﻏﻴﺮ ﺍﺧﺘﻲ ﺍﻟﺒﻨﺖ ﺍﻟﺼﻐﻴﺮﺓ ﺍﻟﺪﻟﻮﻋﺔ ﻓﻤﺎ ﺑﺎﻟﻚ ﺑﺎﺣﺴﺎﺳﻬﺎ ﻫﻲ ﺑﻘﻲ ﺗﺠﺎﻫﻲ ﺍﻧﺎ ﺭﺍﺟﻞ ﻭﻣﺶ ﺑﺎﻟﻊ ﺍﻟﺤﻜﺎﻳﺔ ﻓﻤﺎ ﺑﺎﻟﻚ ﺑﻘﻲ ﺑﺒﻨﺖ ﻫﻴﺒﻘﻲ ﺻﻌﺐ ﻋﻠﻴﻬﺎ ﻗﺪ ﺍﻳﻪ
ﺳﻠﻴﻢ ﺑﺼﺮﺍﺣﺔ ﺍﺣﺴﺎﺱ ﺻﻌﺐ ﺟﺪﺍ
ﻳﺎﺳﻴﻦ ﺑﺎﻟﻈﺒﻂ ﻓﻤﺘﺤﺎﻭﻟﺶ ﺗﺒﺴﻄﻬﺎﻟﻲ ﺍﻟﻠﻪ ﻳﺨﻠﻴﻚ
ﺳﻠﻴﻢ ﺭﺑﻨﺎ ﻳﺼﻠﺢ ﻟﻚ ﺍﻟﺤﺎﻝ ﻳﺎ ﺻﺎﺣﺒﻲ
ﻳﺎﺳﻴﻦ ﻳﺎﺭﺏ
ﻓﻲ ﺑﻴﺖ ﻋﺎﺋﺸﺔ
ﻣﺮﻳﻢ ﻳﺎ ﺧﺒﺮ ﻫﻲ ﻣﻠﻚ ﻧﺎﻳﻤﺔ ﻣﻦ ﺯﻣﺎﻥ
ﻣﻨﺎﻝ ﻻ ﻳﺎ ﺣﺒﻴﺒﺘﻲ ﺩﻱ ﻟﺴﻪ ﻧﺎﻳﻤﺔ ﺩﻟﻮﻗﺘﻲ
ﻣﺮﻳﻢ ﻳﺎ ﻋﺰﺓ
ﻋﺰﺓ ﺍﻳﻮﺍ ﻳﺎ
ﺳﺖ ﻣﺮﻳﻢ
ﻣﺮﻳﻢ ﺧﺪﻱ ﻣﻠﻚ ﺍﻻﻭﺿﺔ ﻋﻠﻔﻜﺮﺓ ﻣﺮﺍﻡ ﺻﺤﻴﺖ
ﻋﺎﺋﺸﺔ ﺑﻠﻬﻔﺔ ﻭﺍﻟﻠﻪ ﻃﻴﺐ ﻋﺎﻣﻠﺔ ﺍﻳﻪ ﺩﻟﻮﻗﺘﻲ
ﻣﺮﻳﻢ ﻛﻮﻳﺴﺔ ﻭﺍﻟﻠﻪ ﻳﺎ ﻣﺎﻣﺎ ﻣﺘﻘﻠﻘﻴﺶ
ﻣﻨﺎﻝ ﻃﻴﺐ ﺍﻧﺎ ﻫﻄﻠﻊ ﺍﺷﻮﻓﻬﺎ ﺑﻘﻲ ﻋﺸﺎﻥ ﺍﺭﻭﺡ
ﻣﺮﻳﻢ ﺍﻭﻙ ﻫﻄﻠﻊ ﻣﻊ ﺣﻀﺮﺗﻚ
ﻣﻨﺎﻝ ﻻ ﻳﺎ ﺣﺒﻴﺒﺘﻲ ﺍﻧﺎ ﻋﺎﻭﺯﺓ ﺍﺷﻮﻓﻬﺎ ﻟﻮﺣﺪﻱ
ﻣﺮﻳﻢ ﺯﻱ ﻣﺎ ﺗﺤﺒﻲ
ﻓﻲ ﺍﻭﺿﺔ ﻣﺮﺍﻡ
ﻣﺮﺍﻡ ﻃﻨﻂ ﻣﻨﺎﻝ
ﻣﻨﺎﻝ ﺣﻤﺪ ﻟﻠﻪ ﻋﻠﻲ ﺍﻟﺴﻼﻣﺔ
ﻣﺮﺍﻡ ﺑﺘﻮﺗﺮ ﺍﻟﻠﻪ ﻳﺴﻠﻤﻚ ﻳﺎ ﻃﻨﻂ ﻭﺑﺘﻔﺮﻙ ﻓﻲ ﺍﻳﺪﻫﺎ ﺍﻧﺎ ﺍﺳﻔﺔ ﻭﺍﻟﻠﻪ ﻳﺎ ﻃﻨﻂ ﻣﻨﺎﻝ ﻣﻌﺮﻓﺶ ﺣﺼﻞ ﻛﺪﻩ ﺍﺯﺍﻱ ﻏﺼﺐ ﻋﻨﻲ
ﻣﻨﺎﻝ ﺑﺎﺑﺘﺴﺎﻣﺔ ﻋﺎﺭﻓﺔ ﻳﺎ ﺣﺒﻴﺒﺘﻲ ﺍﻧﺎ ﺑﺲ ﻃﺎﻟﻌﺔ ﺍﺗﻄﻤﻦ ﻋﻠﻴﻜﻲ ﻭﺍﻗﻮﻟﻚ ﻛﻠﻤﺘﻴﻦ
ﻣﺮﺍﻡ ﺍﺗﻔﻀﻠﻲ ﻳﺎ ﻃﻨﻂ
ﻣﻨﺎﻝ ﺍﻧﺎ ﻟﻤﺎ ﺟﻴﺖ ﺍﺧﻄﺒﻚ ﻟﻴﺎﺳﻴﻦ ﻻﻧﻲ ﻣﻠﻘﺘﺶ ﺍﺣﺴﻦ ﻣﻨﻚ ﻻﻥ ﺍﻻﻡ ﻋﺎﻭﺯﺓ ﻻﺑﻨﻬﺎ ﺍﺣﺴﻦ ﻭﺍﺣﺪﺓ ﻭﻛﻨﺖ ﻋﺎﻭﺯﺓ ﺑﻨﺎﺗﻲ ﺍﻻﺗﻨﻴﻦ ﻟﻮﻻﺩﻱ ﺍﻻﺗﻨﻴﻦ ﻭﻟﻮ ﻋﻨﺪﻱ ﺑﻨﺖ ﻛﻨﺖ ﺟﻮﺯﺗﻬﺎ ﻟﻤﺮﺍﻡ ﻭﻓﺮﺣﺖ ﺍﻭﻱ ﻟﻤﺎ ﻣﺎﻣﺘﻚ ﻗﺎﻟﺖ ﺍﻧﻚ ﻭﺍﻓﻘﺘﻲ ﻭﺍﻧﻨﺎ ﻧﻴﺠﻲ ﺍﻟﺒﻴﺖ ﻓﺮﺣﺖ ﻓﺮﺣﺔ ﻣﺘﺘﻮﺻﻔﺶ ﻟﻜﻦ ﺗﻌﺒﻚ ﺩﻩ ﺣﺴﺴﻨﻲ ﺍﻧﻚ ﻣﺶ ﺭﺍﺿﻴﺔ ﻫﻮ ﺍﻧﺘﻲ ﻓﻌﻼ ﻣﺶ ﻣﻮﺍﻓﻘﺔ
ﻣﺮﺍﻡ ﻻ ﻳﺎ ﻃﻨﻂ ﻃﺒﻌﺎ ﻣﻮﺍﻓﻘﺔ ﻫﻮ ﻣﻌﻘﻮﻝ ﻣﺎﻣﺎ ﻫﺘﻐﺼﺒﻨﻲ ﻳﻌﻨﻲ
ﻣﻨﺎﻝ ﺍﻟﻠﻪ ﻳﻄﻤﻨﻚ ﻳﺎ ﺣﺒﻴﺒﺘﻲ ﻭﻋﺸﺎﻥ ﻛﺪﻩ ﺍﻧﺎ ﻋﺎﻭﺯﺓ ﺍﻃﻤﻨﻚ ﻳﺎﺳﻴﻦ ﺭﺍﺟﻞ ﻭﺟﺪﻉ ﻧﺴﺨﺔ ﻣﻦ ﺍﻟﻤﺮﺣﻮﻡ ﻋﻤﻚ ﺑﺎﻟﻈﺒﻂ ﻋﺸﺎﻥ ﻛﺪﻩ ﻣﺘﻘﻠﻘﻴﺶ ﻣﻨﻪ ﻳﺎ ﻣﺮﺍﻡ ﻟﻮ ﺍﻧﺎ ﺷﺎﻳﻔﺔ ﺍﻧﻪ ﻣﺶ ﻳﻨﻔﻌﻚ ﻣﻜﻨﺘﺶ ﻃﻠﺒﺘﻪ ﻟﻴﻜﻲ
ﻣﺮﺍﻡ ﻋﺎﺭﻓﺔ ﻭﺍﻟﻠﻪ ﻳﺎ ﻃﻨﻂ ﻭﻋﺸﺎﻥ ﺣﻀﺮﺗﻚ ﺗﻜﻮﻧﻲ ﻋﺎﺭﻓﺔ ﺍﻧﺎ ﺗﻌﺒﻲ ﺩﻩ ﻣﻦ ﻗﻠﻪ ﺍﻻﻛﻞ ﻻﻥ ﺍﻟﺘﻮﺗﺮ ﺑﻴﺨﻠﻴﻨﻲ ﻣﻜﻠﺶ ﻛﻮﻳﺲ ﻫﻮ
ﺩﻩ ﺑﺲ ﺍﻟﺴﺒﺐ
ﻣﻨﺎﻝ ﺑﻬﺪﺅ ﻳﺎ ﺣﺒﻴﺒﺘﻲ ﺍﻧﺎ ﺣﺒﻴﺖ ﺍﻗﻮﻟﻚ ﺍﻟﻜﻠﻤﺘﻴﻦ ﺩﻭﻝ ﻋﺸﺎﻥ ﺍﺭﻳﺤﻚ ﻣﻦ ﺍﻟﺘﻮﺗﺮ ﻭﺍﻟﻀﻐﻂ ﺩﻩ
ﻣﺮﺍﻡ ﺗﺴﻠﻤﻴﻠﻲ ﻳﺎ ﻃﻨﻂ ﻳﺎ ﺭﺏ
ﻣﻨﺎﻝ ﻃﻴﺐ ﻳﺎ ﺣﺒﻴﺒﺘﻲ ﺍﻧﺎ ﻳﺪﻭﺏ ﺍﻣﺸﻲ ﻋﺎﻭﺯﺓ ﺣﺎﺟﺔ
ﻣﺮﺍﻡ ﻻ ﻣﻴﺮﺳﻲ ﻳﺎ ﻃﻨﻂ ﺗﺴﻠﻤﻴﻠﻲ
ﻣﻨﺎﻝ ﺑﺘﺒﻮﺱ ﺭﺍﺳﻬﺎ ﻣﻊ ﺍﻟﺴﻼﻣﺔ ﻳﺎ ﺣﺒﻴﺒﺘﻲ
ﻣﺮﺍﻡ ﻣﻊ ﺍﻟﺴﻼﻣﺔ
ﻓﻲ ﺻﺎﻟﺔ ﺑﻴﺖ ﻋﺎﺋﺸﺔ
ﻣﻨﺎﻝ ﺍﻧﺎ ﻛﻠﻤﺘﻬﺎ ﻭﻫﻲ ﻗﺎﻟﺘﻠﻲ ﺍﻧﻪ ﺣﺼﻞ ﻛﺪﻩ ﻣﻦ ﻗﻠﺔ ﺍﻻﻛﻞ ﻭﺍﻟﺘﻮﺗﺮ ﻭﺍﻧﺎ ﻓﻬﻤﺘﻬﺎ ﺍﻧﻚ ﻗﺎﻳﻼﻟﻲ ﺍﻥ ﻫﻲ ﻣﻮﺍﻓﻘﺔ ﻓﻜﺪﻩ ﺍﻟﻤﻮﺿﻮﻉ ﺧﻼﺹ ﺧﻠﺼﺎﻥ ﺑﺲ ﻋﺸﺎﻥ ﺧﺎﻃﺮﻱ ﺑﻘﻲ ﻣﺘﻀﻐﻄﻴﺶ ﻋﻠﻴﻬﺎ
ﻋﺎﺋﺸﺔ ﺑﻬﺪﺅ ﺣﺎﺿﺮ ﻳﺎ ﻣﻨﺎﻝ ﺍﻥ ﺷﺎﺀ ﺍﻟﻠﻪ
ﻣﻨﺎﻝ ﺍﻧﺎ ﻫﻤﺸﻲ ﺑﻘﻲ ﻋﺸﺎﻥ ﺍﺷﻮﻑ ﻳﺎﺳﻴﻦ ﻻﻧﻲ ﻛﻠﻤﺘﻪ ﻛﺘﻴﺮ ﻣﺒﻴﺮﺩﺵ
ﻋﺎﺋﺸﺔ ﻣﺎﺷﻲ ﻳﺎ ﺣﺒﻴﺒﺘﻲ ﻭﺍﻋﺘﺰﺭﻳﻠﻲ ﻣﻨﻪ ﻳﺎ ﻣﻨﺎﻝ
ﻣﻨﺎﻝ ﻳﺎﺳﻴﻦ ﺍﻧﺘﻲ ﻣﺮﺑﻴﺎﻩ ﻭﻋﺮﻓﺎﻩ ﻭﺍﻋﻲ ﻭﻋﺎﻗﻞ ﻭﻣﺴﺘﺤﻴﻞ ﻫﻴﺰﻋﻞ ﺭﺑﻨﺎ ﻳﻔﺮﺣﻨﺎ ﺑﻴﻬﻢ ﻳﺎﺭﺏ
ﻋﺎﺋﺸﺔ ﻳﺎﺭﺏ
ﻣﻨﺎﻝ ﻳﻼ ﺳﻼﻡ
ﻋﺎﺋﺸﺔ ﻣﻊ ﺍﻟﺴﻼﻣﺔ
ﻣﺮﻳﻢ ﻣﺶ ﻫﺘﻄﻠﻌﻲ ﻟﻤﺮﺍﻡ ﻳﺎ ﻣﺎﻣﺎ ﻭﻻ ﺍﻳﻪ
ﻋﺎﺋﺸﺔ ﻻ
ﻣﺮﻳﻢ ﻟﻴﻪ ﺑﺲ
ﻋﺎﺋﺸﺔ ﻛﺪﻩ ﻟﻤﺎ ﺍﺭﻭﻕ ﻫﺒﻘﻲ ﺍﻃﻠﻊ ﻟﻬﺎ
ﻣﺮﻳﻢ ﺑﺲ ﻫﻲ ﻣﺤﺘﺎﺟﺎﻛﻲ ﺩﻟﻮﻗﺘﻲ ﻋﺸﺎﻥ ﺗﺤﺴﺴﻴﻬﺎ ﺍﻧﻚ ﻣﺶ ﺯﻋﻼﻧﺔ ﻣﻨﻬﺎ
ﻋﺎﺋﺸﺔ ﻭﻣﻴﻦ ﻗﺎﻟﻚ ﺍﻧﻲ ﻣﺶ ﺯﻋﻼﻧﺔ ﺩﻱ ﺧﻠﺖ ﻣﻨﻈﺮﻱ ﺯﻱ ﺍﻟﺰﻓﺖ ﻭﻣﻜﻨﺘﺶ ﻋﺎﺭﻓﺔ ﺍﺣﻂ ﻋﻴﻨﻲ ﻓﻲ ﻋﻴﻦ ﻣﻨﺎﻝ
ﻣﺮﻳﻢ ﻋﺸﺎﻥ ﺧﺎﻃﺮﻱ ﻳﺎ ﻣﺎﻣﺎ ﻭﺍﻟﻠﻪ ﻣﺮﺍﻡ ﻣﺘﻘﺼﺪﺵ ﺍﻧﻬﺎ ﺗﺼﻐﺮﻙ ﺍﻛﻴﺪ ﻭﺩﻱ ﺣﺎﺟﺔ ﺧﺎﺭﺟﺔ ﻋﻦ ﺍﺭﺍﺩﺗﻬﺎ ﻳﻌﻨﻲ
ﻋﺎﺋﺸﺔ ﻋﺎﺭﻓﺔ ﺍﻧﻪ ﻏﺼﺐ ﻋﻨﻬﺎ ﺑﺲ ﻛﺎﻧﺖ ﺍﻛﻠﺖ ﻧﺎﺩﺕ ﻋﻠﻴﻨﺎ ﻟﻤﺎ ﺗﻌﺒﺖ ﻣﺶ ﺗﺼﺒﺮ ﻟﻤﺎ ﻳﻐﻤﻲ ﻋﻠﻴﻬﺎ ﻛﻨﺎ ﺍﺗﺼﺮﻓﻨﺎ ﻣﻦ ﺑﺪﺭﻱ ﻭﻛﻠﻤﻨﺎﻫﻢ ﻭﺍﺟﻠﻨﺎ ﺍﻟﻤﻴﻌﺎﺩ ﺑﺪﻝ ﺍﻟﻤﻮﻗﻒ ﺍﻟﺰﺑﺎﻟﺔ ﺩﻩ
ﻣﺮﻳﻢ ﻃﻴﺐ ﻳﺎ ﻣﺎﻣﺎ ﻫﻄﻠﻊ