مهمة اوقعتني في حبها

نفسه داخل غرفة ف المستشفى والجميع يقف الى جانبه تاج واميرة وسلطان وزوجته فريدة ويسرى والد اميرة ايضا وكانت اول مرة يراه
سلطان حمدالله على السلامة يا ابنى وقعت قلوبنا كلنا عليك
عمار بصوت منخفض الله يسلمك يا سلطان بيه
سلطان تعرف لو كان لا قدر الله حصلك حاجة عمرى ما كنت هسامح نفسى ابدا
عمار متقولش كده انا معملتش الا واجبى
سلطان الحمدلله انك بخير عاوزك تشد حيلك كده وتقف على رجلك بسرعة عشان عاوزك معايا
عمار وانا تحت امرك في اى وقت
سلطان مش عاوزك معايا ف شغل لكن في البيت
عمار باستغراب انا اسف مش فاهم!
سلطان ايه مش ناوى تخطب تاج وتتجوزها ولا هتقضيها حب من سكات
نظر عمار لتاج فابتسمت بخجل وقالت انا حكيت لبابا على كل حاجة وهو موافق
فريدة طول عمرى كنت بتمنى ان ربنا يرزق تاج بواحد زى ابوها وبعد اللى عملته ده تأكدت انك انسب واحد ليها
عمار شكرا لحضرتك يا هانم
سلطان بضحك هانم ايه بقى وباشا ايه مشيها عمى وطنط او اى حاجة تانية
يسرى وانا كمان مديون ليك بوقفتك جنب بنتى وانك حميتها وخلصتها 
عمار اميرة دى اختى وده واجبى اتجاهها
يسرى انا مش عارف اردلك جميلك ده ازاى
عمار يعنى لو طلبت من حضرتك حاجة تعملها ليا
يسرى بكل تأكيد
عمار اسمح لاميرة تسافر لوالدتها امريكا دى مهما كان امها وكل بنت بتحتاج لوجود والدتها زى والدها ومش معنى انها اجنبية انها مش هتتسأل عنها
نظر يسرى لاميرة التى انزلت رأسها بخجل فابتسم وقال حاضر مش هزعلك هخليها تسافر ليها وتقضى معاها الاجازة كمان
حضنت اميرة والدها بدموع وهى تنظر لعمار بشكر فغمز لها عمار خبطته تاج على كتفه
عمار ااااه ف ايه!
اشار سلطان للجميع بالخروج فجلست تاج الى جانبه وقالت انت بتغمز ليها وانا موجودة
عمار يا حبيبى انت اللى في القلب
تاج ي سلام بكاش اوى على فكرة
عمار والله بحبك
تاج وانا بقى بمۏت فيك
وبكده نقول توتة توتة خلصت الحدوتة ي سكاكر ان شاء الله بكرة حدوتة جديدة حلوة زيكم