ابن ليل أميرة أسامة

منظر واحده بتهزر معاك يا ولا
حسن ايوه بس راجعين امته و هيقعدوا فين و ستي وجدي و ابويا عارفين ولا لا
دعاء ضړبته على كتفه وهما لو عارفين يا غبي كان زمان ده بقى حالي
حسن احيه يعني ميعرفوش
دعاء لا محدش يعرف غير انا وانت
حسن طيب انتي عرفتي منين
دعاء پغضب ياولا انت بقيت غبي كده ليه يعني هعرف منين يعني اكيد منها هي كلمتني من حوالي اسبوع وقالتلي انها نازله مصر نهائي

حسن احييييييه نهائي دي هتبقى وقعه 
دعاء وانهي واقعه ربنا يستر انا حاطه ايدي على قلبي
حسن طيب وليه مقولتيش لابويا حتى
دعاء مقدرناش ياولا وبعدين هنقوله ايه ابوك وستك وجدك قاطعين معاها من زمان
حسن وفين المشكله ما هما عارفين انك بتتكلمي معاها وعادي يعني لو كنتي قولتي انها جايه مصر وانها قالتلك
دعاء مقدرناش يا حسن وبعدين دره اللي طلبت مني منعرفش حد خالص
حسن طيب وليه
دعاء عشان تحطهم قدام الامر الواقع فكرك يعني لو قولتلهم انها جايه هيرحبوا بيها دول هيحلفوا مېت يمين انها متدخلش البيت ولا الشارع من اساسه لكن لما يشفوها قدامهم هي وبناتها مش هيقدروا يكرشوها
حسن وانتي فاكره ياما ان هنا كده مش هيكرشوها دول عاشوا عشرين سنه مقاطعينها الوقت هيحنوا ليها
دعاء امال هتروح فين هي وبناتها يعني هي ليها غيرهم
حسن احيه هو انتي تقصدي انها جايه وناويه تعيش هنا في البيت
دعاء امال هتعيش فين ياولا بقولك راجعه نهائي
حسن طيب ليه وبعدين ياما متزعليش مني انتي غلطانه عشان انتي عارفه انهم مش هيقبلوا جوزها وسطهم
دعاء بصتله لا ماهي دره اتطلقت
حسن اييييه اتطلقت طيب ليه
دعاء منعرفش انا مفهمتش منها حاجه كل اللي قالته انها اتطلقت وان في حجات كتير حصلا بينهم وانه باين ڼصب عليها هي معرفتش تحكيلي اوي بس كانت مڼهاره وصوتها تعبان وجعت قلبي 
حسن ڼصب عليها يعني راجعه من الاخر ملهاش لا حد ولا حاجه تتسند عليها
دعاء بالظبط عشان كده بنقولك هي ملهاش غيرهم الوقت وبيتهيألي لو أتفاجئوا بيها احسن عشان لما يعرفوا اللي حصلها مهما حصل مش هتهون عليهم ده الډم عمره ما يبقى مايه بردو
حسن ايوه يا اما بس كمان هيحصل مشاكل كتير ولو عرفوا انك كنتي عارفه ومقولتيش ابويا اول واحد مش هيسكت
دعاء منعرفش بقى يحصل اللي يحصل بس انا خلاص تعبت من السكوت كفايه عليها كده البت تعبت طول السنين دي مقطعه قلبي ومحدش فيهم راضي حتى يسمعها صوته
حسن طيب وكيرو ياما انتي متخيله لو عرف انها جات هيعمل ايه
دعاء متخيله عشان كده لازم ابوك وجدك وستك يقفوا معاها وقتها مش هيسيبوا فرصه لأي حد حتى كرم لو اني شايفه انه ملوش عليها كلام خلاص دول عشرين سنه
حسن بس كلنا عارفين ياما ان كرم ڠصب عنه وكمان لو فات عشرين سنه زي ما بتقولي والدنيا اتغيرت كان زمانه الوقت متجوز ومعاه عيال طولي وده معناه انه لا نسي ولا هيسكت
دعاء ياولا انا بنحكيلك عشان تشيل عني ولا عشان ترعبني اكتر
حسن انا بنفطمك ياما على اللي هيحصل صدقيني الموضوع يقلق ومش ساهل على الكل
دعاء عارفه انه مش ساهل وعشان كده حاطه ايدي على قلبي
حسن طيب وليه مقولتيش لخالي
دعاء وانت فاكر لما بكر هيعرف هيطمني يعني ده ميقلش حاجه عنهم وبعدين لو عرف اكيد هيقول لكرم عشان هيخاف كرم يعرف انه كان عارف وسكت ويمكن يقول لمها الحربايه ودي هتقوم الدنيا مش هتقعدها
حسن مين قال كده مها لو عرفت هتبقى عامله زيك كده انتي مش بتقولي انهم كانوا صحاب يعني حتى لو بينت انها مضايقه اكيد هتفرح
دعاء كانوا اكتر من صحاب من صغرنا كنا اخوات بس بعد اللي حصل مها بعدت بعد الحاله اللي كرم كان فيها مهما كان
هو اخوها ورجعت قلبت عليا بعد ما اتجوزت عبدالله عشان اخو دره ومن يومها واحنا زي ما انت شايف 
زي القط والفار
حسن حقها تزعل على اخوها بس بيتهيألي عمرها ما هتكرهها ولا هتكرهك مها على قد ما هي نرفوزه بس طيبه
دعاء وانت هتعرفني عليها يا حسن انا عارفه ان مفيش في طيبه قلبها ولا جدعنتها بس الشيطان راكبها من يوم اللي حصل زي ما انت شايف
حسن طيب سيبك من كل ده وخلينا في عمتي دره هي نازله مصر امته يمكن نعرفوا نتصرفوا ونتكلم حتى مع ابويا بهدوء
دعاء بقلة حيله مفيش وقت خلاص يا حسن دره في طريقها لمصر ركبت امبارح بليل قرب الفجر وقالتلي انها هتوصل على مطار دبي هتقعد هناك كام ساعه وبعدين تركب طياره مصر
حسن احيه بالسرعه دي انا بنفكرها لسه مسافرتش
دعاء امال انا مړعوبه ليه
حسن الخ وف انها توصل بليل في الفرح والكل يشوفها هتبقى مصېبه وكرم هيقلب الفرح جنازه
دعاء لا هي شويه وهتوصل على الامارات قالتلي هتقعد كام ساعه يعني ممكن توصل قرب الفجر يكون الفرح خلص بس كده او كده هتوصل والكل هيعرف انها رجعت
حسن معاكي حق مش هتفرق كتير كده كده الكل هيعرف بس عموما متقلقيش انا معاكي وإن شاء الله هتعدي
دعاء يارب يا حسن المهم متجيبش سيره ولا لي محمد ولا احمد ولا هيما انت فاهم
حسن اكيد مش هنقول مع انهم يعني لو عرفوا مش هيتكلموا انتي عارفه انهم ملهمش علاقه باللي حصل زمان وباعدين روحهم عن كل المشاكل بتاعتكم دي
دعاء عارفه بس عشان ميغلطوش بلسانهم خلينا نشوف اللي هيحصل الاول
حسن ماشي متقلقيش مع اني شايفك يعني مش على بعضك وانتي اللي هتفضحي الدنيا
دعاء الموضوع مش ساهل يا حسن خاېفه من رد فعلهم وخاېفه يكرشوها هي وبناتها هتروح فين وتعمل ايه وكمان خاېفه ستك ولا جدك يتعبوا واشيل ذنبهم
حسن ولا هيتعبوا ولا حاجه انتي فاكره انهم هيضايقوا حتى لو بان عليهم كده بس انا عارف انهم هيفرحوا دي مهما كان بنتهم ورجعت بعد غيبة سنين
دعاء والله دره دي غلبانه ومفيش في طيبه قلبها
حسن بإبتسامه بتحبيها ياما
دعاء بنحبها ! طبعا ياولا دي صاحبه عمري 
طول عمرنا انا وهي ومها مبنتفارقوش كنا طول اليوم مع بعض مبنسيبوش بعض غير على النوم في رمضان وفي العيد كنا نفضلوا سهرانين مع بعض في الوقفه ونروحوا نصلوا صلاة العيد مدرستنا ودراستنا كانت واحده 
أكلنا وشربنا واحد لبسنا نروحوا نشتروا مع بعض كل حاجه يا حسن لحد ما حصل اللي حصل كل حاجه اتغيرت و أتبدلت
حسن بس متزعليش مني يادعاء عمتي غلطت وكل اللي بيحصل ده بسببها
دعاء غلطت في ايه عمتك دي حبت زي اي بنت ما بتحب
حسن بإستغراب تحب وهي مخطوبه لكرم ياما هي دي الاصول دي خانته
دعاء لا يا ولا متقولش كده دره مش خاينه انت مش فاهم حاجه
حسن طيب ما تفهميني
دعاء هي اا
قطعت دعاء كلامها لما سمعت الباب بيخبط
نبيله يا دعاااااء انتي يابت
دعاء بړعب اقفل على السيره دي الوقت يا ولا ستك بره
حسن طيب طيب
دعاء روح افتح
قام حسن فتحلها الباب وابتسم ايه يا بلبله هتكسري الباب
نبيله سنه ياولا عشان تفتح
حسن ياستي انتي لسه مخبطه
نبيله طيب وسع كده دخلني
دعاء تعالي يا بلبله
نبيله لاقيت روحي زهقانه قولت نطلعوا نقعدوا معاكي شويه
دعاء نورتي الدنيا هنعمل قهوه ونجيلك
نبيله ماشي
حسن على ما تعمل القهوه بقى تعالي معايا نفرجك على الاوت فيت اللي هنلبسه في الفرح
نبيله برفعة حاجب تفرجني على ايه يا اخويا
حسن بضحك الاوتوفيت يا بلبله يعني الطقم 
ضړبته نبيله على كتفه 
نبيله طيب ما تقول طقم لازم تعوج لسانك يا واطي
حسن بنعرفوكي ان ابن ابنك دارس
بره وجوه
نبيله اتنيل هتعملهم عليا ياولا ده انت بتعدي السنه بدعاء الوالدين 
حسن بقى كده يا ستي بدل ما تطبليلي
نبيله اني مبنطبلش في الحق ياولا
حسن طيب يلا تعالي نفرجك
نبيله يلا يا اخويا 
بعد حوالي كام ساعه بدأت مراسم الفرح تستعد لإستقبال العريس والعروسه كانت الساعه 8 تقريبا في مصر وفي الوقت ده كانت وصلت الطياره ترانزيت في مطار دبي 
خرجت دره والبنات في ساحه المطار كان فاضل على معاد سفرهم بالطياره اللي هتوصلهم مصر حوالي خمس ساعات بصت دره على البنات كان شكلهم مرهق جدا فا قررت انهم يروحوا فندق يرتاحوا فيه الكام ساعه دي
خرجوا بره المطار مع بعض يشوفوا اي تاكسي او عربيه توصلهم لاقرب فندق لمحت سائق واقف قدام عربيته 
دره مساء الخير
السائق مساء
النور اتفضلوا تحبي اوصلكم فين
دره انا عايزه اقرب فندق من المطار طيارتنا كمان اربع او خمس ساعات فاعايزين مكان يادوب نرتاح فيه عشان نرجع بسرعه
السائق هو في فندق بيبعد عن المطار حوالي ربع ساعه
دره طيب كويس ده وصلنا ليه
السائق بس للاسف الفندق ده كامل العدد مفيش فيه ولا غرفه انا كنت هناك من شويه وعارف ان مفيش استقبال لاي حد هناك بس لو تحبي في فندق تاني لكن في وسط المدينه يعني حوالي ساعه
دره ساعه رايح وساعه جاي مش هنلحق انا عايزه اكون في المطار على الاقل قبلها بساعه
السائق للاسف مفيش كل الفنادق اللي اعرفها ابعد من اللي حضرتك طلباه
دارين بإرهاق واضح مامي خلاص خلينا هنا في المطار وخلاص مش هنلحق اصلا على بال ما نختار الغرف ويطلعونا هيبقى فات كمان نص ساعه ومش هنلحق حتى نرتاح خلينا بدل ما تروح علينا نومه من التعب
بصت دره على دانه وديما لقتهم ساندين راسهم على بعض بتعب
دره ايوه بس اخواتك شكلهم تعبوا وانتي كمان شكلك تعبان لازم ترتاحوا شويه
دارين هنرتاح لما نوصل وكمان لما تيجي الطياره نبقى ننام فيها شويه لكن لو روحنا الفندق صدقيني مش هنلحق نرتاح واخاڤ الطياره تفوتنا لو راحت علينا نومه خلينا جوه في الانتظار افضل
بصتلها دره بقلة حيله
دره انتي شايفه كده
دارين احنا بقالنا اكتر من عشر ساعات مجتش على الكام ساعه دول
دره ايوه بس احنا من امبارح في مطار امريكا قبل السفر بساعتين غير ساعات الرحله لسه هنستنى كمان اربع ساعات
دارين بتخفيف الضغط عنها هيعدوا على طول يا مامي متقلقيش ندخل نطلب قهوه ونرتاح شويه على التربيزه الوقت هيجري يلا بينا
بصت دره للبنات يلا يا بنات 
ديما بتعب يلا فين مش هنروح الفندق 
دارين ديما مفيش فندق قريب خلينا هنا افضل بدل ما نروح على الفاضي او تروح علينا نومه يلا بينا
دخلوا تاني على المطار بقة حيله وتعب شديد 
قعدتهم دره على تربيزه
دره هروح اجيبلكم قهوه تفوقكم وحاجه تاكلوها وهرجع على طول
دارين اوك يا مامي اجي معاكي
دره لا يا حبيبتي خليكي مرتاحه
سابتهم دره وراحت تجيب القهوه
دانه بتعب هنفضل في التعب والإرهاق ده كتير انا مش قادره 
ديما انا كمان مش قادره محتاجه أخد شاور وانام على السرير سريري وحشني اوي
دارين خلاص يا بنات هانت احنا عدينا وقت طويل مجتش على الكام ساعه دول
ديما ما كنا روحنا الفندق نرتاح شويه لازم يعني تقولي لمامي نستنى هنا انتي مش يتتعبي
دارين لا بتعب ومرهقه جدا زيكم بالظبط بس مفيش وقت يا ديما لوحسبنا الوقت ساعتين هيضيعوا واحنا رايحين و احنا راجعين ونص ساعه في الريسيبشن بتاع الفندق فا ملهاش لازمه نتحمل واول ما نوصل هنرتاح
دانه انتي بتحلمي شكلك يا دارين نرتاح ده ايه انتي ناسيه اللي مستنينا في بيت اهل مامي انتي فاكره انهم اول ما يشوفونا هياخدونا بالحضن ويجهزوا اوض لينا عشان نرتاح احنا اصلا مش