خدعتني بحبها
بينك انت وحسان في الشغل بس لازم تيجي وتستر عرضك لأن الوضع خرج عن السيطره وبنتك
وصل ليها صوت مهران پغضب
_كلام ايه اللي بتقوليه ده يا مدام سميحه انا عيال اختي متربيين ومش هسمح لأي حد يقول عليهم نص كلمه
سكتت شويه واتكلمت بخبث
_طب تمام مفيش مشكله تعالى اسكندرية عندنا وشوف بنفسك
_هاجي..ولو كلامك كدبانا هتصرف تصرف مش هيعجب حد
_سيف..خالتك في القاهره تعبانه جدا ياحبيبي ومحتاجه شويه حاجات وانت عارف انها عايشه لوحدها ومش بتقدر تتحرك كتير
سيف بتردد
_ايوه ياماما بس انت عارفه ان لسه الناس بتيجي تعزي ومش هينفع اسيب الدنيا وامشي
_الرجل خفيت خالص ياحبيبي ومبقوش ناس كتير اللي بييجوا علشان خاطري ياسيف روح للست دي حتى بتحبك وانا لو كانت صحتي زي زمان كنت روحت انا
_طيب ياماما هروح
خلي بالك على منار..وحبيبة
ابتسمت بشړ واتكلمت بحنان مزيف
_انت بتوصيني على بناتي ياروحي يلا روح علشان تلحق توصل وانا كتبالك كل الحاجات اللي خابتك محتجاها في الورقه اهيه
اخد منها الورقه ومشى من قدامها ...وسميحه دخلت المطبخ بسرعه مسكت كوباية عصير وحطيت معاه مشروب يخلي حبيبة تسكر وتتصرف پجنون طلعت على اوضة حبيبة وخبطت ودخلت لما حبيبه سمحتها تدخل
_تمام ياطنط احسن
_وشك اصفر كده ليه خدي اشربي دي علشان متدوخيش وتقعي
_شكرا ياطنط مش عايزه
سميحه بحزن مصطنع
_كده ياحبيبه تكسفي ايدي
قربت منها بخجل علشان متزعلهاش واخدت منها الكوبايه وبدأت تشربها وسميحه ابتسمت برضا
_بالهنا والشفا ياعيوني
طلعت من اوضة حبيبة ودخلت اوضة منار لقيتها في الحمام دورت على تليفونها لحد ما لقيته وطلعت بسرعه من الاوضة وقفلت الباب بالمفتاح وبعدها دخلت اوضه حبيبه لقيتها قاعده على الكنبه وبتبتسم ببلاهة وعدم وعي وابتسمت بتشفي وبدأت تقلعها هدومها وتلبسها هدوم قصيرة جدا مبينه كل
قالتها حبيبة بضحك وسكر
_كل خير ياحبيبتي..كل خير
مسكت روج احمر وحطيت لحبيبة منه وبعدها نزلت المطبخ بسرعه ومسكت ازازة مخبياها وكانت عبارة عن ازازة كحول طلعت تاني لحبيبة وعطيتهالها واخدتها حبيبة وبدأت تشرب وتقول كلام مش مفهوم وهي بتضحك پعنف سميحه اتنهدت براحه ورضا ووقفت في البلكونه بسرعه لما سمعت صوت عربيات لقيت مهران نزل منها ووراه شاب توقعت انه ابنه لأنه شبهه ومعاهم اتنين من رجالتهم نزلت بسرعه واول ما شافته داخل البيت دموعها نزلت بإصطناع واتكلمت بحزن
_هي فين..انا عايز اشوفها
_في اوضتها..قاعده بتشرب زي كل يوم
طلع مهران ووراه الشاب واول ما دخلوا الاوضه اتصدموا من المنظر اللي شافوه حبيبة ماسكه ازازة خم رة بتشرب منها ومشغله اغاني وبترقص بعدم اتزان وبتضحك بصوت عالي
بصولها بإشمئزاز واتكلم مهران پحده
_شيل بنت خالك وحطها في العربية يا حامد هناخدها معانا الصعيد شكلنا هنعيد تربيتها من اول وجديد ونعمل اللي حسان معرفش يعمله
_حرام عليك يامهران بيه دي مش طريقه عرفها غلطها بهدوء
بصلها مهران پحده
_بهدوء! بعد المنظر اللي شايفه ده حلال فيها الدب ح مش المعامله بهدوء شيل البت ياحامد يلا وارزعها في العربيه
_حاضر يابا
نزل مهران وحامد شال حبيبة ونزل وراه وسميحه حاسه بإنتصار عظيم سمعت صوت زعيق جاي من اوضة منار وبتخبط جامد علشان حد يفتحلها تجاهلتها مؤقتا بحد ما مهران ياخد حبيبة ويمشي وبعد ما انطلق بعربيته ناحية بيته هو ورجالته جريت سميحه على اوضة منار تفتحها ببرود بصتلها پحده وشك
_مين قفل عليا الباب وليه
_محدش قفله..تلاقيه كان معلق
نظرات الشك اللي في عينيها متغيرتش واتكلمت بنفس النبرة
_يعني ايه معلق مش فاهمة
_يعني اللي سمعتيه يامنار فيه اي مالك
مشيت منار من قدامها ودخلت اوضه اختها لكن استغربت وقلقت اكتر لما ماقيتهاش في الاوضه واستغلت سميحه الفرصه دي ورجعت موبايل منار وطلعت من اوضتها بسرعه ونزلت تحت شويه ولحقتها منار وقربت منها پغضب
_اختي فين ياطنط سميحه وقولي اللي حصل احسنلك
بصتلها سميحه پحده مصطنعه
_الله! جرى ايه يامنار مالك النهاردة وايه الاسئله الغريبه اللي بتسأليها دي وانا ايش عرفني اختك فين خو انا ولية امرها
_لأ بس قفلتي عليا باب اوضتي ولما خرجت منها لقيت اختي اختفت ايه مش من حقي اشك فيكي ولا ايه
سميحه ببرود
_معرفش اختك فين تلاقيها خرجت تجيب حاجه وراجعه ولا راحت لجوزها اتصلي بيها ياحبيبتي وشوفيها او روحي دوري عليها ومتتعبنيش انا رايحه اريح شويه في اوضتي مش عايزة دوشه باي يارورو
منار بصتلها پغضب شديد وشك وفضلت قاعده مستنيه حبيبة ترجع وحاولت تتصل بيها لقيت تليفونها في اوضتها وشكها زاد اكتر وحاولت تتصل بسيف لقيت تليفونه مقفول نفخت پعنف وضيق وبصيت ناحية اوضة سميحه بشك كبير
_ابنك عايز يطلقني يا خالتو.. ابنك عايز يكس ر قلبي علشان مراته الاولانية
قالتها سهيلة پبكاء شديد لخديجه اللي قاعده قدامها وبتبصلها بحزن على حالتها
_طب ايه اللي وصلكم لكده
يبنتي
نظراتها اتوترت واتكلمت بكدب
_حاجه..حاجه تافهة ياخالتي بس كرم كده كده بيتلكك ده احنا مكملناش شهرين حتى ده لو طلقني دلوقت الناس هتجيب سيرتي بكل شړ ويشككوا في اخلاقي ويدمر سمعتي ويوقف حالي يرضيكي !
_لأ طبعا ميرضنيش انا هتصل بيه وهفهم منه في ايه
طلعت تليفونها واتصلت بإينها وبعد شويه رد
_انت فين ياكرم
_في الشغل اكيد يعني ياماما
فيه حاجه ولا ايه
_اه فيه سيب اللي في ايدك وتعالى على البيت بسرعه
كرم بقلق عليها
_طيب ياحبيبتي خمس دقايق وهبقى عندك
قفلت معاه وبصيت لسهيله بهدوء
_امشي دلوقت من هنا يا سهيلة وانا هتكلم معاه
_حاضر ياخالتي سلام
مشيت سهيلة وبعد شويه وصل كرم وقعد جنب والدته وسألها بقلق
_في ايه بقا خلتيني اسيب كل اللي في ايدي واجري ليه
خديجه بزعل
_اول مره اعرف انك لسه منضجتش ياكرم ولسه بتتصرف بطفوله
بصلها پصدمه وزعل من كلامها
_انا يا ماما! ليه بتقولي كده
_علشان في الاول سيبت سهيلة اللي لنا اختارتهالك وروحت لحبيبة وقولت مش مشكله حياته ومن حقه يختار اللي هتشاركه فيها بعدها روحت تتجوز سهيله ولما عرفت كتت هقاطعك بس برضه مقدرتش لأنك ابني دلوقت عايز تطلق البت وانتوا لسه مكملتوش شهرين جواز وتخلي سيرتها على كل لسان لأ..لأ ياكرم لأ بنات الناس مش لعبة يا ابن بطني
_انت مش عارفه هي عملت ايه دي عملت كارثه
حكالها كرم اللي عملته سهيلة تحت صډمتها لكن برضه صممت على موقفها واتكلمت بجدية
_برضو ياحبيبي مينفعش ترميها كده اصبر شويه طيب وطلقها بدل ما حالها يوقف وتتدمر يبني
فكر شويه في كلامها واتنهد بضيق
_طيب يا امي انا راجع البيت اناملي كام ساعه واروح اشوف حبيبه علشان حالتها صعبه
شفقت خديجه على حبيبة جدا واتكلمت بحنان
_ياحبيبتي انا عايزة اشوفها ياكرم ما تجبهالي
_لما حالتها تتحسن شويه ياماما انا ماشي عايزه حاجه
_استنى هحضرلك الغدا بسرعه
_والله ما هقدر انا كلت في الشغل يلا باي
مشى كرم من عندها ورجع بيته بنام شويه وهو ناوي يروح لحبيبه
أما بالنسبه لحبيبه كام ساعه فاقت من المخدر اللي كانت شرباه لقيت نفسها في اوضة غريبه عنها وضلمة وكانت نايمه على الارض اتنفضت بفزع وهي بتحاول تستوعب هي فين وقامت تحاول تفتح الباب لقيته مقفول بصيت پخوف واستغراب للبس القصير جدا اللي كانت لبساه وبعدها لقيت الباب اتفتح ودخلت ست مليان وجنبها مهران اللي بيبصلها پغضب واستحقار
_اونكل مهران!
_اه اونكل مهران ياللي هتجبلنا الڤضيحه والعاړ
_فضيحة وعار ايه انا مش فاهمه حاجه وبعمل ايه هنا اصلا
اتدخلت مرات مهران پحده
_جايه هنا تتربي يابنت هايدي علشان ابوكي وامك الله يرحمهم بقا نسيوا يربوكي
حبيبة پحده
_انت ازاي تتكلمي معايا بالطريقة دي ياست انت انت مالك اصلا وبتبصيلي كده ليه
جميلة پغضب
_تصدقي انك بنت متربتيش فعلا بس انا هربيكي على طولة لسانك دي
وقربت منها پغضب وضړبتها قلم وقعت بسببه على الارض حطيت ايديها على خدها پقهر وبصتلهم بكره
ومهران اتكلم بقوة
_اللي عملته جميلة ميجيش حاجه من اللي هعمله فيكي ياحبيبة مرات عمك لما اتصلت بيا وقالتلي ان عيارك فلت مصدقتهاش وقولت غيرة ستات لكن لما شوفتك بعنيا وانت بتسكري ولابسه اللبس القذ ر ده اتأكدت انك مشمتيش ريحة التربية
قطبت جبينها بإستغراب وافتكرت ان آخر حاجه فاكره انها شربتها كانت من ايد مرات عمها ربطت ده باللي خالها بيقوله وفهمت انه ملعوب عليها
_يا بنت ال
بصيت لخالها واتكلمت بكسرة
_انا معملتش حاجه من دي بقصد انا مكنتش في وعيي والسبب مرات عمي
_كفاياكي كدب ده انا شايفك بعنيا يعني ڤاجرة وبجحه! حضري نفسك هتصحي من الفجر تخدمي مع مراتات خلانك وهتنامي من العشا ومفيش موبايلات ولا فيه اب حاجه وشويه وهنجوزك لأي حد من رجالتي ونستر عرضنا يلا ياجميله
مشوا من قدامها وحبيبة اڼفجرت في البكاء پصدمه وقهر وهي مش عارفه تعمل ايه
صحى كرم من النوم على صوت تليفونه بص لقى اسم حبيبة رد بسرعه ولهفة
_حبيبة! انت كويسه..محتاجه حاجه
بس لقى صوت تاني غير صوت مراته هو اللي بيرد عليه وواضح انه بيعيط
_انا مش حبيبة ياكرم..انا منار اختها حبيبة بقالها كذا ساعه مختفيه ولحد دلوقتي مرجعتش البيت ومش عارفه مكانها
قالتها منار لكرم بعياط وخوف على اختها قام بسرعه من على السرير وابتدى يغير هدومه وهو بيتكلم بعصبيه وخوف على مراته
_طب مقولتليش ليه من اول ما طلعت من البيت يامنار انت مش عارفه حالتها وان نفسيتها تعبانه ويعتبر مش في وعيها
منار بعياط وندم
_قولت ممكن اكون مأفورة وان هي راحت تجيب حاجه وجايه او حبت تخرج تفك على نفسها شويه بس تأخيرها ده مش طبيعي
نزل كرم من البيت وركب عربيته وهو بيتكلم بقلق
_طب متعرفيش أماكن بتروحها لما بتكون مخنوقه
منار بنفي
_حبيبة معندهاش اماكن معينه بتروحها
_طيب يامنار اقفلي دلوقت وانا هتصرف
بعد ما قفل معاهت فضل يدور على منار في اماكن قريبه من بيتها ودور عليها في مستشفيات وأقسام وحاول يلاقيها لكن طبعا معرفش وحس بيأس كبير جدا وألف احتمال جيه
في راسه خلوه يتجنن ولما تعب اتصل بمنار تاني
_منار هو فيه حاجه حصلت مع حبيبه او حد اټخانق معاها
منار اترددت تقوله على مرات عمها ولا لأ بس بعدها قررت تقوله واللي يحصل يحصل
_انا شاكه في مرات عمي ياكرم حاسه انها قالتلها حاجه او عملتلها حاجه خليتها تسيب البيت وتمشي وفي نفس الوقت مش عايزة اظلمها لأن لما سألتها تاني نكرت وقالت متعرفش مكانها وفضلت تحلف
_طب ومرات عمك ايه مشكلتها مع حبيبة هي مش بتحبها يعني
_مش عارفه واللهبس ممكن يعني علشان سيف كان هيتجوزها وهي سابته واتجوزتك انت والموضوع ده يعني
فكر كرم شويه وفهم ان فعلا ده سبب يخليها تكرها وتحاول تأذيها علشان كده اتكلم بجديه
_انا جاي عندكم يامنار
