أنت مكافأتي ډفنا عمر

بعائلته ورؤية نشأته المتواضعة وحميمية القرب منهم غرزت فيها عاطفة تشعبت مع الوقت فتعمقت فيها أكثر لدرجة لم تدركها فترة الجامعة..والأخطر أنها تشتاقه لو غاب كما أنها اصطدمت في نفسها بشعور أخر لم تتوقع يغزوها هكذا وهي تضبط نفسها متلبسة بداء الغيرة عليه من إحدى زوار المكتب وهي تتعمد الدلال معه لتجد نفسها دون وعي تحول بينهما بحدة واضحة وتتولي هي التعامل مع العميلة التي أتت ترفع قضية خلع من زوجها..تصرفها غمر وجه أدم حينها بسعادة طاغية..أخجلها هي من نفسها..
_ يااااه.. كل ده تفكير عشان تجاوبي سؤالي
نزعها صوت شمس من شرودها فقالت لأني مش عارفة اقولك ايه..حاسة اني مش طبيعية.. 
_ ليه بتقولي كده
_ لأني بحب الاتنين يا شمس..بس كل واحد حبه مختلف جوايا عن التاني وده اللي محيرني مش قادرة احدد حاجة.. 
_ بتغيري علي مين فيهم 
_ آدم.. 
قالتها دون تردد لتبتسم الأخرى 
يبقي واضحة انتي بتحبي آدم يا سارة انما مشاعرك لجسار دي حاجة تانية خالص..ممكن يكون انبهار بشيء معين فيه أو حتي مجرد راحة نفسية لشخص ممكن يصادفك في اي مكان.. انما مش حب بجد..ده اللي متأكدة منه بعد اللي قولتيه. 
عاد يحتلها القلق عليه وهي تهتف يمكن يكون كلامك صح بس المهم دلوقت اني خاېفة عليه أوي يا شمس..تفتكري ايه سبب حالته اللي حكتيها عايزة اطمن عليه بأي شكل وللأسف لما جيت اتصل لقيته قافل تليفونه..
لا تنكر عليها أبدا هذا القلق الذي انقسم شطر منه داخلها بعد ما رآت حالته لكنها هتفت لتهدئها بصي فات حوالي ساعتين من وقت خروج عمو.. أتصلي أسأليه..
_ اتكسف أصل بابا بصلي بنظرات غريبة كده قبل ما يمشي.. 
_ خلاص هتصل أنا وافهم بطريقة غير مباشرة.
انتظرت رده علي الطرف الأخر وما أن أتاها حتي صاحت صباح الخير يا عمو أمين ايه الأخبار
_ الحمد لله يا شموسة وصباحك ورد.. انتي لسه عند سارة
_ أيوة ياعمو ما انت عارف بنتك رغاية ازاي بس انا شوية وجاية الشركة اشوف شغلي ماتقلقش.. 
قهقة وقال ده العادي بتاعكم لما بتتلموا على بعض..عموما لو عايزة خليكي منورانا ونتغدا سوا لما ارجع.. 
قالت بمرح تسلم يا فتى أحلامي..بس هاجي الشركة طبعا أشوف شغلي. 
_ بطلي بكش فتي أحلام ايه بكرشي ده المهم خدي راحتك وهستأذنك عشان عندي اجتماع هيبدأ بعد دقايق.. 
_ ماشي ياعمو بس.. 
_ بس ايه
تنحنحت بشيء من التوتر ثم تراجعت عن قولها لا خلاص مفيش.. 
رمقتها سارة بحنق شديد أما أمين فطن لما تريد وما تنتظره سارة فتظاهر بعفوية قوله صحيح نسيت اقولك إن المحامي اللي سارة شغالة معاه ده.. أنا قابلته واتفقت معاه انه هيكون مستشارنا القانوني في الشركة..
فغرت شمس فاهها بدهشة دون رد لتطالعها سارة بريبة بينما واصل أمين وبكره هعمل اجتماع ترحيب به في الشركة عشان اعرفه علي الكل وانتي هتكوني موجودة طبعا.. ودلوقت سلام واشوفك لما تيجي..
_ مالك متنحة كده ليه هو بابا قالك ايه 
نظرت إليها ومازال يعتريها الذهول وهي تهمس عمو أمين راح لجسار وطلب منه يكون مستشارنا القانوني وهو وافق وجاي شركتنا بكرة يتعرف علينا.
لم يختلف حال سارة عن ردة فعل شمس الذاهلة والأولى تهمهم ببلاهة جسار هيشتغل مع بابا إزاي طب والمكتب 
الأخيرة بعد تراجع دهشتها قليلا للخبر
معرفش يا سارة بس ممكن أوي يدير الاتنين الفكرة في الصدفة نفسها إن عمو يختار ده بالذات يشتغل معانا في الشركة.. 
_ وده معناه ايه
_ عادي احنا كنا محتاحين مستشار قانوني..وجسار محامي شاطر حسب كلامك..يبقي الموضوع منطقي برضو..أنا بس اتفاجأت لكن دلوقت شايفاه عادي..
ثم التقط حقيبتها وقالت وهي تغادر أنا هروح الشركة بقى وكفاية اللي ضاع من يومي انهاردة سلام.. 
تنهدت اخيرا وهمهمت لنفسها مسيري هعرف كل حاجة المهم انه هيشتغل في شركتنا وهيكون قريب مني أكتر من الأول..
ثم همست بخفوت كأن ربنا عايز يقربنا أنا وأنت دايما لبعض ياجسار.. ليه مش عارفة ولا فاهمة. 
_____________
_ ازاي يا بني أدم انت تقفل تليفونك بعد رسالتك المريبة دي وتختفي كده وتوقع قلبي عليك ها
هكذا هدر عليه أشرف وهو يلكمه في كتفه پغضب نبع من قلقه والأخر يقول بتفهم كنت محتاج خلوة استجمع فيها نفسي يا أشرف.. 
تسائل بريبة ليه يعني حصل ايه عشان ده كله 
ندت عنه تنهيدة معبئة ببعثرته وضياعه واستند على ظهر الأريكة وغمغم حصل اللي طول عمري كنت بحسه بس مش قادر أبوح به أو أتأكد منه عرفت ان جذوري مالهاش علاقة بالأرض اللي عشت فيها يا أشرف..
عقد الأخير حاجبيه بتساؤل قصدك ايه بالكلام ده يا جسار فهمني
تضخم صدر الأخير بالهواء قبل أن يبدأ في استرساله لكل ما صار معه ليعلق أشرف بذهول أنا مش قادر اصدق اللي سمعته ده.. أزاي طلعوا مش أهلك 
_ جدي لقاني وأمي كانت بتطلع في الروح اخدني ولما معرفش حاجة عن أهلي قرر يكتبني على أسم ابنه ومراته والباقي انت عارفه.. 
صمت قليلا يستوعب ما علمه ثم ربت على كتفه بتعاطف طب وانت ناوي على ايه يا جسار دلوقت هتستمر معاهم ولا هتعمل ايه 
_ أنا خلاص عملت يا أشرف سبت كل حاجة تخصني هناك ومشيت هبدأ من جديد والحمد لله جالي عرض شغل ممتاز في شركة والد سارة.. 
_والد سارة وايه عرفه عليك
مط شفتيه وهو يهز كتفيه ببساطة اكيد بنته ذكرت مهارتي قصاده واتكلمت عن شغلي.. 
_ ممكن جدا طب ومكتبك يا جسار هتسيبه
_ ماهو ده أول سبب جيتلك عشانه يا أشرف عايزك تدير المكتب انت وآدم ومعاكم سارة.. 
_ وانت
_ أنا هركز في شغلي الجديد وفي نفس الوقت عايز الاقي وقت أدور فيه على أهلي.. عشان كده هسيبلك المكتب تديره فترة واستطرد أنا بصراحة روحت لجدي وقولتله اني هسيب كل حاجة بس هو صمم ان المكتب يفضل بتاعي لأنه اتعمل بمجهودي.. 
_ معاه حق يا جسار القضايا اللي كسبتها في تلات سنين هي السبب الرئيسي في زحمة الزباين اللي بتتوافد علينا دي كلمة حق.. 
طبطب علي كتفه شاكرا ماتقولش كده انت كمان مش قليل يا أشرف وأدم كمان ممتاز. 
_ لأ.. الفكرة في نوع القضايا المعقدة اللي انت اترافعت فيها.. عشان كده استحقيت لقب محامي عقر ياصاحبي.. 
شخصت عيناه هامسا أهو المحامي العقر ده بيواجهة أصعب قضية في عمره كله يا أشرف..هيدور علي أبرة في كوم قش..مش عارف منين ابدأ عشان الاقي ابويا وأهلي.. 
_ اطمن يا جسار مادام ربنا خلاك تعرف نص الحقيقة يبقي مخبيلك الخير وهيدلك عليه.. ربنا يجمعك بيهم على خير.. 
_اللهم أمين ربنا يعطرني فيهم في أقرب وقت. 
_إن شاء الله طب قولي بقي ايه السبب التاني اللي جيت عشانه
_ عايز سكن وياريت لو هنا في منطقتك عشان اكون معاك..ويفضل لو الليلة بدال ما اضطر ابات في فندق والماديات خلاص بقيت مش زي الأول والمبلغ اللي معايا بسيط جدا انا سبت حتي فيزا البنك لجدي..
أخبره بدعم ماتحملش هم وانا موجود.. 
_ شكرا يا صاحبي بس أنا عارف البير وغطاه انت بس دبرلي سكن بسيط حواليك وأكيد لما اشتغل عند أمين بيه هاخد مرتب كويس وربنا يسهل. 
حك ذقنه علامة تفكيره
العميق ثم ألقى اقتراحه بص هو في مكان ممكن تعتبره مؤقت بس مش عارف هترضي بيه ولا لأ.. 
_ ومش هرضي ليه فين هو
_ هنا في العمارة بتاعتنا شقة صغيرة غرفتين وصالة وحمام ومطبخ بس... 
_ بس ايه ماهي ممتازة اهي وكمان في عمارتك يعني هكون معاك.. 
_ أصلها في أخر دور وبصراحة عايزة شوية توضيب..ومعتقدش تناسبك يا جسار بعد عيشة القصور اللي كنت فيها.. 
منحه ابتسامة مريرة قائلا ورغم القصور والفخامة دي عمري ماكنت مرتاح يا أشرف دايما كان ناقصني حاجة وحاسس بالغربة فيها..وطلع إحساسي مظبوط في الأخر.. بالعكس يمكن هنا اكون مبسوط أكتر لأني في مكاني اللي استحقه.. ومع الوقت حالي هيتحسن.. المهم عندي ربنا يفتحلي طريق يوصلني لأهلي وأي حاحة غير كده سهلة.. 
_ هيحصل بأذن الله يا جسار أكيد اللخبطة اللي حصلت لحياتك دي وراها مفاجأت جاية.. 
_ المهم تكون مفاجأت سارة يا صاحبي.. 
ضحك وقال سارة زميلتك
_ لا طبعا ياخفيف.. المهم تعالي وريني الشقة. 
_ ماشي وسيبك من إيجارها دلوقت الحاجة ام محمود مش غريبة وانا هعرفها وضعك الأهم ان انا و انت نشمر ايدينا وننضفها بعدين هطلعلك فيها سرير وشوية لوازم مؤقتة تمشي نفسك بيهم لحد ما ربنا تفرجها.. 
حدجه جسار بامتنان كبير وتمتم شكرا يا أشرف علي وقفتك معايا والحمد لله إن الصاحب مش بيتغير.. علي الأقل انت الحقيقة الوحيدة دلوقت في حياتي مطلعتش وهم زي أهلي. 
_ بلاش عبط احنا اخوات ومفيش بنا الكلام ده.. 
_ وأكتر يا أشرف.. وأكتر.
_________
الفصل السابع
مسيرين أم مخيرين أحيان لا ندري وجهتنا. 
تقودنا رياح الأقدار حيث شاءت لنا السير. 
فنتكيء بكل قوانا على صولجان الإيمان والأمل. 
لعلهما يعصمانا معا شړ السقوط. 
أهلا بيك يا أستاذ جسار
قالها رضوان مرحبا به وتبعه ابنه الأكبر حمزة اعتقد أننا كسبنا مستشار قانوني مميز لشركتنا. 
ابتسم جسار أنا اللي كسبت بانضمامي ليكم .
سارة بترحيب حار بجد مبسوطة اوي انك انضميت لينا يا جسار قصدي استاذ جسار. 
رمقها أمين بنظرة ما بينما رحبت به شمس برسمية لا تخلو من ود بنت عمي دايما تثني على شغلك وقدارتك في حصد حقوق عادت لأصحابها اعتقد زي ما قال الجميع انك إضافة لينا.. شرفتنا.
تعجب ترحيبها هي بالذات لكنه تخطاه بقوله المقتضب شكرا استاذة شمس. 
_ أنا بقي بدون مقدمات بقولك نورت يامتر.
قالها ريان بمرح ذكره بشقيقه رائف فقال ده نورك والله.. يارب اكون عند حسن ظن الجميع. 
أمين تمام بما ان التعارف تم بينكم حمزة هيعرفك فين مكتبك وبالتوفيق. 
________
بعد مرور شهر!
راح يطرق الباب بصخب ينادي 
_ يا سيادة المحامي المخضرم.. أفتح ياجسار بيه. 
فتح له الباب وهي يصيح ايه يا ابني الدوشة بتاعتك دي وايه اللي معاك 
_ دي حاجة معمولة ليك مخصوص من الحاجة ام أشرف ثم كشف جسار غطاء الصحن ليصيح باستحسان الله لقمة القاضي.. 
قال بتهكم ايوة يا سيدي امي عملتها مخصوص عشان عارفة انك بتحبها مع اني من رمضان اللي فات بطلبها معبرتنيش.. 
_ طب ادخل انت اعملنا شاي يا أشرف عشان نشربه معاها هنا علي السطح.. 
رفع له حاجبية نعم هو