أحببت صعيدي فاطمة

تعلم من يحادث ولكنها علي يقين ان هناك امرأة اخري بحياته ولكن من تكون فللمرأة احساس صادق بزوجها
آدم جرا ايه يايونس مالك فيك ايه انا صح ليا يومين مشغول بمذاكرتي ومبشفش حد بس حاسك متغير من امبارح وبتتقلب في فرشتك ومش نايم خير ياخوي اكون بقلقك عشان بسهر اذاكر
يونس لا مفيش حاجه انت بس ركز فمذاكرتك عشان تفرحنا وانفذ وعدي ليك

آدم ايوة ياعم ما انت سبوع ويبقالك اوضة وحدك وتسيبلي الاوضه دية ههههههههههه
انقبض قلب يونس فجأة فكيف له ان ينام في غرفة واحدة تجمعه مع رقية وتذكر وردة فعاود الاتصال بها مجددا ولكن لا جديد فما زال هاتفها خارج الخدمة وفجأة وهو يبدل ملابسه قاطعه اتصال فتخيل انها وردة
واجاب سريعا ولكنها كانت خديجة 
خديجة ايوة يايونس عايزاك استنينك امبارح اتاريك وصلتنا ومشيت
يونس طب قولي صباح الخير في الاول
خديجة صباح الخير ياخويا ومتغيرش الكلام انت عارف زين انا عايزاك في ايه فوت عليا يايونس اتغدي معايا ونتكلموا
يونس مش هينفع ياخديجة ورايا شغل
مش فاضي
خديجة بقا كده يايونس ماشي ياخوي مع السلامة
يونس وقد اغلقت خديجة الخط ناقصك انا ياخديجة
آدم مالها ياخوي
يونس لا متاخدش في بالك انا نازل افطر تعال افطر
آدم لا انا سبقتكم خليت زنوبة تعملي سندوتشات وشاي كل انت بالهنا
يونس الله يهنيك ياخوي
رقية وقد استيفظت باكرة لتحضر مع زنوبة الفطار فهي لا تود سماع ما يغضبها من حماتها ولكن لا مفر
رقية هاتي البيض يازنوبة انا هعمله
زنوبة حاضر من عنيا بس انا ليا عندك سؤال ومتاخذنيش
رقية اسألي يازنوبة ما انا عرفاكي ټموتي في الأسئلة هههههههههه
زنوبة معلش هههههههههه بس عايزة اسألك وشك الله اكبر يعني كيف القمر وبيلمع كده من البياض والحلاية يعني انتي عتحطي ايه عليه
رقية قصدك بحط كريمات يعني
زنوبة ايوة كريمات ايه بقا دي اجيبها يمكن ربنا يعدلهالي بدل ما انا شبه جعفر اكده
رقية حاضر انا هديكي كريم حلو بس اهم حاجة انك تهتمي بنفسك يازنوبة عشان نفسك مش عشان تعجبي حد فهماني وانتي اصلا حلوة وزي العسل
دخلت الحاجة سعاد وهي تستمع لهم منذ فترة جرا ايه ياهانم هنقلبوها كوافير منك ليها والحاج بره ويونس قاعدين مستنين الفطور يالا شهلوا الرجالة مستنية
رقية حاضر اهه خلصنا خلاص
علي المائدة 
الحاج فاروق كيفك يارقية يابتي
رقية الحمد لله يابابا بخير
الحاج فاروق عملتوا ايه في المستشفي لعله خير
رقية الحمد لله يابابا بس لسه بكره النتيجة بإذن الله
الحاج فاروق ان شاء الله خير ما تقعدي

يابتي افطري ولما اقولك تفطري يبقي تقعدي ومن هنا ورايح هتاكلي معانا مش وحدك وفين بناتك
رقية حاضر يابابا الي تشوفه البنات سهروا امبارح فسبتهم نايمين
الحاج فاروق ورقية تجلس وكانت المرة الاولي التي تتناول الفطار معهم فدائما ما تحبذ الاكل مع بناتها بغرفتهم ولكن استوقفها الحاج فاروق اقعدي جار يونس
الحاجة سعاد بغيظ ما تسيبها ياحاج تقعد براحتها
الحاج فاروق وهوينظر ليونس يونس سبوع ويبقي جوزها ومفروض الوحدة تقعد جمب جوزها ولا ايه يايونس
يونس بتوتر وبدون جدال فعقله منشغل
بوردة الي تشوفه يابوي
رقية بخجل ولم تستطع الاكل فأستكفت بشرب رشفة من الماء
الحاج فاروق كلي يابتي ولا انتي خجلانه منينا دا انتي بتي ودا هيبقي جوزك
الحاجة سعاد ما تاكلي ورانا مرار وخبيز مش فاضين
رقية حاضر ما انا باكل اهه..
رقية بس انا مبعرفش احضر الفرن دي انا طول عمري بعمل الاكل بس اول مرة اخبز في فرن السطح دي
الحاجة سعاد تتعلمي من هنا ورايح الخبيز من اوله لاخره هتعمليه وحدك انتي مش عيلة بضفاير انتي كنتي متجوزة وعندك بنات ولا عايزاهم يطلعوا قي خيبتك دي بت يازنوبة خديها عالفرن
رقية طب اشوف البنات وافطرهم
الحاجة سعاد هشوفهم انا متقلقيش ياختي روحي بلا دلع حريم
زنوبة ونجيبوا الوقيد ونقيدوا الفرن كده ونولعوا فيه لحد ما تسخن الفرن 
رقية وهي تسعل من الدخان فهي تعاني من الحساسية ياربي ايه الدخان ده مش قادرة اتنفس
زنوبة والنبي انتي كيف الغريبة والنايتي كيف تخبزي هههههههههه
رقية لا بجد مش قادرة ايه ده انتو بتخبزوا ازاي
زنوبة هعلمك وحده وحده معلش دلوك تتعودي
فاطمة اهلا ياما عاملة ايه وكيف ابوي واخواتي 
الحاجة سعاد الحمد لله يابتي كيفك انتي وجوزك والعيال 
فاطمة بحزن تحاول اخفائه الحمد لله نحمدوه
الحاجة سعاد مالك يابت انتي عيانة ولا ايه
فاطمة لا ياما انا زينة انتي كويسه
الحاجة سعاد قلبي واكلني علي خيتك زينب وبتصل بيها ترد عليا الولية الي بتتكلم دي وتقول مغلق معرفاش اكلمها وآدم نام ومعرفاش رقم جوزها
فاطمة وقد خاڤت ان تحادث امها زوج زينب فااستوقفتها قائله اطمني هي كلمتني وقالتلي ان تلفونها وقع منيها وباظ وقالتلي اطمنك بس انا انشغلت في شغل البيت ونسيت
الحاجة سعاد الحمد لله انهم بخير وانتي ابقي تعالي
فاطمة حاضر ياما سلمي علي الي عندك
اما في سوهاج وبمنزل وردة وكانت مع صديقتها المقربة وابنة خالها مروة
مروة اش اش ايه ده كله ايه الحاجات الحلوة دي يابت ياوردة بركاتك ياسي يونس
وردة طب شفتي السلسة دي ايه رأيك
مروة ودهب كمان دا انتي وقعتي واقفه يابت
وردة بطلي قر ياختي شكله هيضيع من ايدي ابوه هيجوزه
مروة ېخرب بيتك يجوزه مين وانتي عملتي ايه
وردة امال انا جيبتك ليه بصي انا مستحيل اضيع يونس من ايدي دا الفرخه الي بتبيض دهب بالنسبالي وانا مش بعد تعبي ده اسيبه كده انا لسه مخدتش الي عايزاه منه
مروة يابت انتي مش بتحبيه وبيحبك يبقي مش هيتجوز غيرك
وردة احب مين يابت هو يحبني ماشي بس انا احب واحد ساب ابويا يتهان ويتطرد وكأنه سارق سريقة لا لا حصل ولا كان
مروة وهي تنظر لصورة يونس في هاتف ورده يامراري وهو ده ميتحبش دا زي العسل دا انا نفسي من كتر ما بتحكيلي عنه حبيته هههههههههه
وردة اتلمي يابت ووطي صوتك احسن ابويا يسمعك
مروة طب علي سيرة ابوكي هو مبيشوفش الحاجات دي ويسألك منيين
وردة لا مش بيركز ولو سأل بقوله انتي ولا صحباتي جبتولي هدايا وهو اصلا مش فاضيلي طول اليوم بره البيت
مروة دا انتي داهية
وردة سيبك انتي المهم دلوقتي ركزي في الي هطلبه منك كويس انا مستحيل اسيبك يايونس في حالك فاكرني هبكي يومين وانسي دا انت طيب اوووووي هههههههههههههه......
الفصل الثامن
عندما تهاجمنا الأوجاع من حولنا احيانا نصبر ونحتسب واحيانا نتألم ونتذمر ولكن الأوجاع حينما تأتي من حبيب او اخ او صديق فإنها تكون كالسهم الذي يصيب قلوبنا فيميتها
كانت صړخة رقية منذرة للحاجه سعاد بأن هناك امر ما بالأعلي فصعدت لتري ما الأمر
الحاجة سعاد في ايه حصل ايه ياخيبانة
زنوبة دي الست رقيةحرقت يدها وهي بتقلب الوقيد.
الحاجة سعاد ليه ياهانم بتقلبيه بيدك اياك روحي يازنوبة هاتيلها حته تلجاية حطيهالها عالحرق وتعالي نكملوا الخبيز.
رقية آه آه بسرعة يازنوبة ايدي مش قادرة آه
في الاسفل هاتف المنزل يدق في ذات الوقت كانت زنوبة مارة بجانبه فأجابت 
الو

الو مين
يونس انا يونس يازنوبة فين الحاجه أمال
زنوبة اهلا ياسي يونس معلاش اصل الحاجه فوق عالسطوح عشان ست رقية اتحرقت
يونس بقلق وعصبية اتحرقت ازاي يابت في ايه
يونس لا متحطلهاش تلج ولا حاجه انا جاي اخدها للدكتور قوليلها تجهز نفسها انا ٥دقايق واكون عندكم واجهزي انتي كمان هتروحي معانا
زنوبة حاضر هقولها
اغلقت زنوبة الخط وادارت ظهرها فوجدت الحاجه سعاد ورقية
الحاجة سعاد خلاص انا حطيت اخر رصة للعشات في الفرن ابقي اطلعي طلعيهم وفين التلج يامهدولة ولا عايزاها تشتكينا لجوزها 
رقية متفاجئه ومټألمة وتبكي من الألم لا لا هاتي التلجاية وبس
الحاجة سعاد ومين الي قاله يامقصوفة الرقبة من اساسه مش انتي ولا هو بيتلكك عشان يطلع مع السنيورة روحي ياختي جهزي نفسك ما احنا مورناش غيرك انا هطلع اكمل الخبيز ما اصل بدل ما تقضيني اقضيكي ناقصاكي
زنوبة تعالي ياستي
سما ايه ياماما مال ايدك
سجي ماما بټعيطي ليه
رقية متقلقوش يابنات انا هبقي كويسه بس ايدي جت عليها ڼار اوعو تلعبوا في الڼار اه اه بصي ياسما انا هروح مع عمو يونس للدكتور خليكي مؤدبه ماشي وخدي بالك من اختك اها ياايدي
سما حاضر ياماما بس متعيطيش.
رقية حاضر وانتي ياسجي خليكي مؤدبة
العبوا في اوضتكم لحد ما اجي هاتي العباية السودة دي والطرحة يازنوبة والنقاب وتعالي ساعديني
زنوبة حاضر ياستي
في غضون دقائق كان قد وصل يونس للمنزل وطرق باب غرفة رقية 
رقية ايوة مين
يونس انا ياام سما ها جهزتوا
رقية فتحت الباب وكانت ترتدي عباءة سوداء وطرحة من اللون الاسود المطرز باللون
الوردي كانت تشبه حبة الطماطم بدموعها ووجها الاحمر رغم بياضها
يونس يالا ياام سما زنوبة تحت هتروح معانا 
رقية تعجبت لردة فعله فهو يأمرها دون نقاش ولكن هي متألمه حاليا فلا مفر لها من الانصياع لأمره
ساعدتها زنوبة علي ارتداء النقاب وتحرك بهم يونس مسرعا ووصلوا الي مركز كبير لعلاج الحروق
الممرضة خير مين المړيض
يونس المدام اهي قدامك ماسكه يدها وپتبكي يبقي مين المړيض يعني 
فين الدكتور
الممرضة الله براحة يافندم لازم اسأل عشان ابلغ الدكتور المختص
رقية بدموع ايدي اتحرقت
الممرضة اتحرقت ف ايه
يونس اللهم طولك ياروح هنسببوها تتوجع وناخدوا وندو معاكي يادكتور يادكتور
الدكتور خير تحت امرك
يونس المدام يدها اتحرقت ممكن تشوفها حضرتك
الدكتور اتفضلوا اوضة الكشف
بعد الفحص والسؤال عن السبب
الدكتور متقلقوش ان شاء الله بسيطة الحړق سطحي هو انتو حطيتوا علي ايدها تلج
زنوبة لا يادكتور ولا حاجه
الدكتور كويس لان مفروض لما يحصل حړق نحطه تحت الميه الجارية مش تلج عموما انا هكتبلها علي مرهم ومضاد حيوي مع التغيير بشاش مش قطن ممنوع نحط قطن عالحرق
يونس امرك يادكتور
الدكتور الاسم ايه
رقية رقية عبد الحميد محمد
يونس حضرتك امتي نعيدوا الكشف
الدكتور ان شاء الله بعد اسبوع بس وانت خارج ادي الممرضة الروشته عشان تسجل الميعاد
يونس حاضر شكرا يادكتور
الدكتور عفوا الف سلامه
رقية الله يسلمك
عند الممرضة اسفه جدا علي الي حصل واضح انك غالية جدا عند جوزك يامدام رقية
رقية لا هو مش جوزي ده اخو جوزي الله يرحمه
يونس خلاص ارتحتي كده دا انتي رغاية خدي الروشته وشوفي حسابكم كام خلينا نمشوا من هنا
الممرضة اسفه جدا حاضر
وفي السيارة كان يونس ينظر الي هاتفه مرارا وكأنه ينتظر اتصالا هاما
رقية شكرا يايونس انا دايما عاملالكم قلق بس انا اول مرة استخدم الفرن دي وعشان كده انا اسفه
يونس ولا يهمك الف سلامة
رقية الله يسلمك
زنوبة سلامتك ياست رقية الف سلامة عليكي
رقية الله يسلمك يازنوبة
وقد عم الصمت الارجاء حتي عادوا الي المنزل وكان في انتظارهم الحاج فاروق والذي علم من يونس قبل مجيئه 
الحاج فاروق خير يابتي حصل 
ايه 
رقية مفيش يابابا حړق بسيط الحمد لله
الحاج فاروق قال ايه الدكتور يايونس ياولدي
يونس خير يابا قال حاجه بسيطة وتمشي عالعلاج والمرهم
الحاج فاروق