للعشق وجوه كثيرة نورهان العشري قيثارة الكلمات ٣٤

يا ماما انت صعبانه عليا . حياتك و شبابك اللي بيدفنوا بالحياة و انت لسه حلوة و في عز شبابك .
سميرة باستهزاء
_ صعبانه عليك ! و مصعبتش عليك لما روحتي لزقتي في ابن ضرتي عشان تقربي من روفان و تصاحبيها و لا لما ابوكي ضړبني علقھ مۏت بسببك ! جايه أصعب عليك دلوقتي ! بتخططي لايه على قفايا يا نيفين 
نيفين بمكر
_ ماهو انت اللي مفهمتنيش يا ماما و قعدتي تزعقي و بهدلتي الدنيا من غير ما تسمعيني و لا تديني فرصه اشرحلك خطتي .
سميرة بشك 
_ خطة ايه دي أن شاء الله 
_ احنا لازم تخلي بابا في عبنا خصوصا بعد ما طلعنا زين دا من تحت الارض كدا تلتين ثروته هيروحله بما أنه الولد و طبعا احنا مش لازم نسكت عالكلام دا .
سميرة بسخريه
_ لا والله ! لسه واخدة بالك دلوقتي امال انا كنت هتجنن ليه و حاولت اخلص منه و أطلعه برة البيت 
_ و هو بالجنان هتعرفي هتطلعيه بره البيت 
سميرة بإستفهام 
_ قصدك ايه 
نيفين بتخابث 
_ قصدي اننا لازم نخلص منه يعني ميكونش له آثر .
شهقت سميرة قائله بفزع
_ قصدك نقتله انت اكيد اټجننتي.
_ مش بالظبط احنا بس هنهيأله الظروف اللي تخليه يروح في داهيه و يغور من حياتنا .
سميرة بسخريه
_ و انت فكرك أن الواد دا لو جراله حاجه مراد هيسبنا في حالنا ! دا احنا اول ناس هيشك فيهم .
نيفين و قد وصلت إلى تلك النقطه التي تريدها فقالت بمكر
_ ماهي دي الخطه اللي انا برسم و اخططلها احنا لازم نتعامل معاه كويس و نمثل أننا بنحبه و انت يا عيني تقبلتي وجوده خلاص بحيث لو حصل حاجه نبقي احنا بره الليله
سميرة باقتناع 
_ طب و دا هيحصل ازاي 
_ بصي يا ستي انا عيزاك الاول تحسني علاقتك ببابا و تعيشوا مع بعض زي أي زوجين .
سميرة پقهر 
_ دا عشم إبليس في الجنه . مراد مبيكرهش ادي في الدنيا .
نيفين بإقناع
_ بس راجل في النهايه و اللي كان بيسيبك ويروحلها ماټت و غارت في داهيه و الساحه فضيتلك . انت بقي استغلي النقطه دي .
_ يعني اعمل ايه
_ يعني مثلا كلمتين حلوين على شويه نظرات انكسار و حزن بعد اللي عملوا فيك و شويه معامله حلوة مع الواد ابنه دا و أنا طبعا مش هسكت . شويه تعالوا نخرج سوي و شويه دا ماما تعبانه يا بابا اطلع شوفها و كل شويه صدفه كدا تخليك تستفردي بيه و معتقدش انك مش عارفه هتعملي ايه معاه لو جالك برجليه .
سميرة بلهفه
_ هو ييجي بس و مبقاش سميرة لو مخلتهوش يندم ندم عمره على كل لحظه بعد عني فيها .
نيفين بمكر 
_ حلو اوي . نيجي بقى للشغل العملي . بصي بقي انت محتاجه تروحي للكوافير تظبطي نفسك و تشتريلك شويه حاجات كدا من بتاعت المتجوزين دي عشان نظبط الأداء
سميرة بحزن زائف 
_ طب و هخرج ازاي دا انت شايفه جدك عامل عليا حصار و مانعني من الخروج بسبب اللي حصل آخر مرة .
نيفين بتخابث
_ سيبي الموضوع دا عليا . انا هغطي على غيابك بس متتأخريش بالكتير ساعتين تلاته .
توسعت عين سميرة فقد وجدت حل لمعضلتها آخيرا و قالت بلهفه
_ عيب عليك يا نيفو . قبل كدا هكون عندك .
هكذا تحدثت سميرة و لكنها تذكرت شي آخر فقالت بغيظ
_ طب و صفيه دي مبتخبيش عن جدك دبه النمله 
_ لا دي متقلقيش منها خالص سبيها عليا يالا انا هقوم اروح لجدي و انت بقي جهزي نفسك و متتأخريش . اه و متنسيش تتوصي بمراد بيه الحسيني عايزينه ينسي اسمه .
اتبعت نيفين حديثها بغمزة جعلت سميرة تبتسم بخبث على سذاجتها ثم بعد أن تأكدت من خروجها قامت بإجراء مكالمه هاتفيه 
_ ايوا يا حبيبي استناني في الشقه اللي بنتقابل فيها جيالك .
وصلت السيارات أمام ذلك القصر الكبير و ماهي ثوان حتي ترجلوا جميعهم الى الخارج كلا يكتنفه شعور مختلف عن الآخر و لكنهم جميعهم اجمعوا على الشعور بالخۏف من المستقبل كانت الفتاتين تشعران بالغربه و أخذتا تنظران حولهما ثم تحولت نظراتهما الى علي الذي كان هو الآخر لا يختلف شعوره عنهما و لكنه ابتسم تجاههم ابتسامه طمئنه و سرعان ما وجدوا الخدم تفتح باب القصر و ذلك العجوز الذي يمشي مستندا على عصاه قادما في لهفه تجاههم يحاوطه الخدم من كل جهه خشيه عليه من ان يسقط من فرط لهفته ل استقبالهما فهاهي أمنيته الوحيدة في تلك الحياه تتحقق بجمع شمل أحفاده من حوله 
اقترب منهم هاشم الرفاعي و هو يهلل في فرح
_ أهلا اهلا يا ولاد الغالي . نورتوا بيتكوا .
تقدم علي منه تلاه شقيقتاه بعد أن تلقوا إيماءة من والدتهم بمعنى اقتربوا ليحاوطوه و هو يسلم عليهم في ترحاب شديد و قد لمسوا مدى حبه لهم و فرحته بمجيئهم و لم يفت عليه تحيه علي المتحفظه معه ليبادر هو بعناقه فاستجاب له علي ليشاطره اختيه العناق المحموم بأنواع شتى من المشاعر المتضاربة منها الندم و الشوق و المحبه و الحزن ليقطع الحديث آخيرا المساعد الخاص بهاشم قائلا باحترام
_ هاشم بيه . انا مقدر الحاله اللي حضرتك فيها بس الانفعال الزايد دا غلط على صحتك .
أجابه هاشم بصوت متحشرج
_ مش فارق المهم اني عشت و شفت ولاد الغالي في حضڼي مش مهم اي حاجه بعد كدا . انا مستعد اموت دلوقتي و مش هيهمني .
نطق جميعهم في آن واحد 
_ بعد الشړ عنك يا جدو . متقولش كداا يا جدو . ربنا يطولنا في عمرك .
هاشم بتأثر 
_ ربنا ما يحرمني منكوا يا حبايب جدو .
كان مازن يقف من بعيد يراقب ما يحدث في تأثر دون أن يحاول الاقتراب احتراما لخصوصية ذلك اللقاء الحار و نظر إلى فاطمة المتأثرة ثم اقترب منها قائلا بلهجه حانيه
_ اكتر حاجه صح عملتيها هي انك وافقتي أنهم ييجوا يعيشوا معاه . صدقيني انك تفرحيه الفرحه دي كلها و هو في حالته دي ثوابها عند ربنا كبير . دا غير أن عمي سالم الله يرحمه لو كان عايش كان زمانه طاير من الفرحه دلوقتي .
نظرت إليه فاطمه بحنان و قد سقطت دموعها تأثرا بما يحدث دون التفوه بحرف حتى تحدث هاشم قائلا بصوته الواهن 
_ اتفضلي يا ست ام على . نورتي بيتك و بيت ولادك .
نظر الاخوات الثلاثه الى بعضهم في ترقب و اندهاش من لهجه جدهم الحانيه و التي يرتسم بها الاحترام مع والدتهم التي اقتربت بعد أن أمسك مازن بيدها ليتقدموا الى مكانهم فمد هاشم يده إليها و في عينيه نظرات خاصه لم يستطع ايا من المتواجدين تفسيرها لتظل فاطمه لثوان تبادله النظرات هي الأخري ثم مدت