اوقعها في شباكه

زيك 
دمعت عيون امي وقالت
ليه كده يا امير...دي تربيتي ليك تكسرها...دي يتيمة ملهاش غيرنا ليه تعمل كده 
حطيت وشي في الارض وانا مكسوف....عيوني دمعت مكنتش قادرة اواجهها.
اومال فين صاحبة الصون والعفاف سها هانم..ده انا جايبلها ابوها عشان يلمها...مصدقتش لما حسام صاحبك قالي علي خطتكم المنيلة
يا ماما 
اتصل بيها 
زعقت فيا فاتصلت بسها عشان تيجي 
طيب كنت ربتني انت بدل ما مشغول بمراتك التانية يمكن كنت اطلع محترمة 
شد شعرها وزعق
وكمان ليكي عين تردي عليا ...انا ھقتلك 
جات امي ووقفت بينها وقالت
بنتك صحيح غلطت يا استاذ أشرف بس غلطك انت ووالدتها اكبر...معلش كنتوا فين لما سافرت مع واحد غريب ها 
ايوة صح كنتوا فين 
صړخت سها بطريقة فزعت امي 
بسم الله الرحمن الرحيم مالك يا بنتي..مش كده 
قالتها امي فزقتها شوية سها وهي بتمسح دموعها وبتقول
لا انا من النهاردة مش هسكت عن حقي يا طنط..كنت فين يا بابا..وامي كانت فين...انتوا مهتمتوش بيا...محبتونيش...انت انشغلت بمراتك وروحت تربي عيالها وامي انشغلت بجوزها وراحت تربي عياله وانا بنتكم راميني عند جدتي زي الكلبة عايشة زي اليتيمة وانا ليا اهل....انتوا بتكرروا غلط ابو امير...بتزرعوا فيا نفس اللي اتزرع في امير....حد فيكم فكر فيا...فكر انا محتاجة ايه 
وانتي محتاجة ايه يعني الفلوس بتوصلك اول بأول 
انا مش عايزة

فلوسكم انا عايزاكم جمبي...عايزاكم تحبوني...تسألوا عليا...تعرفوني الصح من الغلط....ولو عايزين ټضربوني كمان لو غلطت اضربوني معنديش مانع بس خليكم جمبي وحبوني...
مسحت دموعي وانا مش متخيل ان سها شايلة كل ده في قلبها...طول عمري بشوفها شيطان بس النهاردة بصيتلها بطريقة مختلفة...سها ومسحت دموعها
فقال
اوعدك مش هسيبك ابدا 
ابتسمت وقالت
او ممكن تجوزني وتخلص مني 
ايه 
قريب شهد يا بابا صاروخ...جوزني يالا ليه 
قرصها ابوها في كتفها فصړخت..مقدرتش اسيطر علي نفسي وضحكت بصراحة...سها حطت حسن في. دماغها الله يكون في عونه 
بعد نص ساعة كنا لسه واقفين بعد ما سها وأبوها مشيوا...كانت عيني علي. شهد اللي باصة علي الأرض...وكانت رافضة تبص عليا حتي 
ماما انا بحب شهد...عارف اني غلطت ومستعد اعمل اي حاجة عشان اصلح غلطي 
هي اللي تقرر تسامحك ولا لا 
بصتلها بتوسل...فهي بصتلي وعيونها مدمعة وقالت
ماما صفية انا عايزة اتطلق منه !!!
اتطلقنا انا وشهد بعد توسلات كتير مني انها تديني فرصة تانية...بس مستسلمتش...ايام واسابيع مرت وانا بترجاها ترجعلي...عملت كل حاجة ممكن حد يتخيلها...حلفتلها علي. المصحف اني بحبها...
لحد ما في يوم طلبت من اختي ميرا انها تجيبها علي البحر...
كنت في المركب مستخبي لما جات
ميرا وشهد...ركبت الاول شهد ومدت ايديها عشان تركب ميرا بس طلعت باليخت...اتخضت شهد وهي بتبص حواليها...جيت من وراها وقولت بتدوري عليا...بصتلي پغضب وقالت
كان لازم اعرف انها خطة سخيفة من خططك وقف إليها ورجعني والا هنط في البحر 
شهد انا بحبك...مضيعيش كل حاجة 
انت اللي ضيعت كل حاجة لما كسرتني يوم فرحنا...رجعني يا امير وانساني 
عيوني دمعت وقولت
ده قرارك النهائي 
ايوة هو 
تمام 
مرت الايام وانا فاقد الامل...كنت مكتئب في اوضتي. جات ماما وقالت
ايه استسلمت بسرعة كده 
هي بطلت تحبني اعمل ايه اجبرها
هي بتعشقك بس انت محاولتش كفاية...حاول تاني 
بعد اسبوع كان فرح سها وحسن اللي حقيقي صعبان عليا شاب زي الورد يتورط مع المصېبة دي
صحيح هو مش وسيم ده يدوب عيونه بني واسعة وعنده غمازات بس يعتبر زي الورد برضه....باركت ليهم وغمزت ليا سها....مسكت المايك ووقفت جمبهم وانا بقول
في يوم حبيت بنت زي القمر...حاولت كتير أكرهها واكسرها عشان اثبت اني مبيحبهاش جرحتها كتير وبكتها بس
...هي سابتني دلوقتي وانا استاهل بس انا لسه بحبها...بحبها وھموت من غيرها وكل اللي طالبة فرصة واحدة بس وانا اوعدها اني هسعدها
وعمري ما ابكيها
بصيت لشهد اللي پتبكي وقولت
انا بحبك يا شهد عارف اني متساهلكيش بس بحبك اووي وھموت من غيرك اديني فرصة تانية.
هزت رأسها وهي بتمسح دموعها فقولت بسرعة
تتجوزيني 
ضحكت بدموع وقربت مني وهي بتقول
ايوة 
صقف الكل وانا شيلتها ولفيت بيها...كنت فاكر هوقعها في شباكي بس هي اللي وقعتني في شباكها وكانت احلي وقعة بصراحة 
تمت 
وقعت_في_شباكه
سولييه_نصار
وبكده خلص الاسكريبت يا سكاكر تفاعلكم كان جميل اووي فشكرا لانكم دايما متفاعلين