للعشق وجوه كثيرة نورهان العشري قيثارة الكلمات
عربي قديم دا احنا حتي مش لابسين طرابيش ما تخليكوا فريش ..
فضحك علي قائلا
ايه دا انت ليك في قفشات الافلام دانتا جتلي في ملعبي ..
فقال مازن بسخريه
لقيت واحد دمه يلطش ريك ابسط يا عم..
علي بتهكم
طبعا هننتظر ايه من واحد كئيب زيك
ثم نظر علي ليوسف و قال بود
تسمحلي بقي اقولك يا يوسف و انت تقولي يا علي بما اننا هنضرب محشي ورق عنب كمان شويه مع بعض
مادام فيها ورق عنب يبقي تقول اللي انت عايزه ..
فضحكوا جميعا و ظلوا يتحدثون الي ان اتت فاطمه مرحبه بهم
يا اهلا وسهلا اذيك يا مازن يا حبيبي
فقام مازن بالسلام عليها و قدم لها ادهم و يوسف الذي نظر اليها مطولا قبل أن يبتسم و
ازي حضرتك يا طنط
فشعرت فاطمه بالود تجاهه و ربتت علي كتفه قائله
ابتسم يوسف قائلا
الدنيا بتلهي يا طنط لدرجه اننا بنتمني نرجع صغيرين تاني
صفيه بشجن
عندك حق يا ابني بس انتوا نورتونا والله ..
صاح علي قائلا
بقولكوا ايه يا جدعان اجلوا حديث المسنين دا لبعد الأكل عصافير بطني جالها هبوط ..
والله يا ابني مش لوحدك دانا مجوع نفسي من امبارح لما سمعت ان فيها ورق عنب .
مازن بسخريه
والله يا ابني اتتوا اللتني عاملين زي الحمير اللي بتاكل في النجيل لا الحمير بتشبع و لا النجيل بتخلص .. فضحكت فاطمه بشده قائله
والله يا مازن يا ابني كلامك حكم ..
فتصنع ادهم الڠضب قائلا
فضحكوا جميعم ثم توجهوا للمائده فكانت غرام تسكب الطعام فاقترب منها أدهم و قال ممازحا
الاكل شكله يفتح النفس أكيد مش انتي اللي طابخه
فابتسمت غرام ابتسامه صفراء قائله
بالسم الهاري ان شاء الله
ثم دخلت لتطمئن علي كاميليا و كارما فالتقطت الهاتف و هاتفت كارما التي ردت بلهفه قائله
غرام بطمأنه
كل حاجه تمام بس مازن عينه هتتخلع عالباب مستنيكي تيجي
كارما بمكر
خليه يستني هو لسه شاف حاجه دانا هخليه يقول حقي برقبتي
اخذت كاميليا الهاتف و قالت بلهفه
يوسف عامل ايه اقصد يعني شكله متغير يعني شك في حاجه
يخربيت دا يوسف دا ايه القمر دا و العسل دا و العنين دي هو انتي كان عقلك فين يا بنتي و انتي بتهربي منه و آل سجن آل دا السچن الي من النوع دا يبقي جنه
كاميليا بغيره
بطلي يا زفته انت انتي بتتغزلي فيه قدامي دانتي ايامك سودا معايا ..
قهقهت غرام بصخب
ما احنا واقعين اهوه امال ايه الدلع دا آل علي رأي المثل عيني فيه و أقول إخييه
اخذت كارما الهاتف قائله بنفاذ صبر
اخلصي يا بت انت و اي حاجه تحصل تبلغينا و اول ما ينزلوا كلميني علي طول يالا سلام
ثم نظرت إلى كاميليا التي هطلت دموعها دون وعي قائله وحشني اوي يا كارما نفسي اشوفه و اشبع منه هتجنن عليه ..
كارما بحزن علي حالها
هو انتي بتحبيه اوي كدا
كاميليا بۏجع
بحبه بس دانا بعشقه انا كل يوم بنام و هدومه و صورته جنبي .
كارما باستفهام
طب ازاي قبلتي تسبيه و تطلبي منه يرتبط بغيرك هو انتي مش بتغيري عليه
كاميليا بحزن
بغير بس دانا بتجنن لما حد يقرب منه دانا كنت ھموت لما غرام قعدت تتغزل فيه و انا عارفه انها بتهزر انا قلبي بيتقطع كل ما اتخيل ان
