للعشق وجوه كثيرة نورهان العشري قيثارة الكلمات ٢٥

ذلك مع تنفس يوسف الصعداء و كان ينوي التوجه إلى غرفتها رأسا بغرض مراضاتها فهو أبدا لن يقبل بأن تبكي قهرا بسبب شئ فرض عليه لتوقفه كلمات مراد المذعورة على جده ليعيد أدراجه بسرعة حيث وجد رحيم يرتمي على كرسيه يحاول لتقاط أنفاسه بعد أن شعر بروحه تكاد أن تفارقه فقد كان يقف بالمنتصف يشاهد ما يحدث بذهول تام و كأنه أصابه الشلل غير قادر علي التفوه بحرف حتى شعر بأن قدميه لم تعد تحملانه ليرتمي جالسا على كرسيه فهرول مراد ناحيته قائلا بلهفه 
_ بابا .. انت كويس 
قام يوسف بجلب كأس المياه الموضوع على الطاولة بجانبه و جعله يرتشف بضع قطرات من المياه ليظل رحيم يحاول تنظيم أنفاسه حتى خرجت الكلمات منه بعد دقائق فقال بوهن و لهجة معاتبة 
_ ليه عملت كدا يا مراد ليه عايز تهد العيله اللي ضيعت عمري كله ببني فيها ليه 
ارتد مراد للخلف قائلا بحنق 
_ انا مهدتش حاجه يا بابا . انا دورت على سعادتي اللي ضاعت وضاع معاها أحلى سنين عمري مع واحده بكرهها و مبطقش حتى أشوفها قدامي و أنت أجبرتني أفضل معاها عشان بنتي . ايه غلطت في ايه كدا 
_ كل حاجه بتعملها غلط .
قالها رحيم بوهن ليجيبه مراد صارخا پغضب
_ انا داخل عليك بحفيدك يا بابا . ابني اللي طول عمرك نفسك تشوفه . مش طول عمرك كنت بتقولي نفسي أشيل ابن ليك يا مراد . اديني جبتهولك و جيت . ايه دا كمان غلط !
_ عمي مراد اهدي شويه . مش شايف حالته !
تحدث يوسف بعد أن وجد جده علي وشك الإختناق مرة ثانيه ليتابع رحيم پغضب 
_ أسلوبك و طريقتك غلط .. لما انت متجوز ليه مجتش قعدت زي الناس و قولت ليه ممهدتش لبنتك اللي انكسر قلبها منك الف مرة كل دا عشان تدوس على سميرة و تقهرها و الحقيقة ان القهرة الحقيقيه كانت لنيفين حفيدتي اللي دمعه من عنيها تسوى الدنيا كلها عندي .
_ عندك حق انا غلطت إني جبت إبني و جيتلكوا هنا أنا ماشي .
قالها مراد پغضب و انطلق نحو باب الغرفة ليقاطعه رحيم صارخا پغضب
_ استني عندك . أحنا مش لعبه في إيدك عشان تيجي تقول أنا عندي عيل وبعدين تاخده و تمشي حفيدي مش هيخرج من بيتي أبدا
توقف مراد بمكانه لدى سماعه كلمات والده و عندما رأى احتقان وجهه عاد إليه بسرعة محاولا تهدئته فقال بمسايسه 
إهدى يا بابا . اللي انت عايزة هيحصل .
نظر رحيم لمراد مرة ثانيه و قال بهدوء بعد أن التقط أنفاسه الهاربه 
_ أم الولد فين 
ترقرقت الدموع بعيني مراد و قال بحزن و خيبه أمل 
_توفت من تلت أيام .
صدمة خيمت على ملامح كلا من يوسف وجده ليتابع مراد پألم 
_ ميرفت كانت مريضه سړطان و للأسف اكتشفناه متأخر أوي و العلاج منفعهاش بأي حاجه و فضلت تعاني لحد ما توفت من تلت أيام في المستشفى 
_ و حفيدي كان قاعد فين و مع مين 
قالها رحيم بحزن ليجيبه مراد بأسى
_ كان قاعد مع المربية بتاعته و أنا كنت بروح و باجي عليه .
_ شد حيلك يا ابني البقاء لله .  
قالها رحيم بمواساه و تعاطف لحاله إبنه ليجيبه مراد بحزن دفين 
_ ميرفت سابتني و راحت زي اللي راحوا يا