للعشق وجوه كثيرة نورهان العشري قيثارة الكلمات
دماغك بالطوبه اللي في ايده تصدقي انا غلطان ..
هتف كلا من كارما و مازن بلهفه
غرام انت كويسه
فتابع ادهم بسخريه
مين دي الي تطمنوا عليها دي كانت هتبلعهم. بس والله يستاهلوا عيال ذوقها غبي ملقوش غير دي و يعاكسوها
اوشكت غرام علي ضربه بحقيبتها فامسكها مازن قائلا بحزم
خلاص يا غرام حقك عليا دا يبقي ادهم ابن خالتي و صاحبي . و انت يا زفت بطل بقي طولت لسان غرام دي تبقي اخت كارما و في كليه فنون جميله ..
آل فنون جميله آل قول فنون تشريحية فنون قتاليه
فنظر له مازن نظره اخرسته فتحمحم قائلا
اهلا يا انسه غرام اتشرفت بمعرفتك
ثم الټفت لمازن قائلا بنفاذ صبر
تمام كدا ممكن بقي نتغدي عشان جاي من آخر الدنيا و ھموت من الجوع .
تمتمت غرام بصوت مسموع قليلا
مفجوع ..
و أخيرا ودعوا بعضهم البعض و ذهبت كارما و غرام الي كاميليا للعوده معا الى المنزل
و اخذ مازن ادهم لغرفته بالفندق فما أن وصلوا إلى غرفتهم و حينها ادهم رمي بجسده على السرير قائلا
فنهره مازن قائلا
ما تحترم نفسك يالا بقولك اخت خطيبتي..
فقال ادهم بخبث
خطيبتي مرة واحدة. طب و بالنسبه لعقدك و كلاكيعك ودتها فين
مازن متنهدا
والله ما عارف انا صح ولا غلط بس اللي اقدر اقولهولك اني مقدرش تضيع مني تاني ..
فقال ادهم بحكمه
مازن باحتقار
أجابه ادهم بايجاز
الفرحه يا مازن. عمري ماشفت الفرحه في عينيك غير النهارده
هم مازن بالرد عليه و لكن قاطعه رنين هاتفه فالتقطه مجيبا
يوسف باشا الحسيني بجلاله قدره بيتصل بيا يومين ورا بعض ايه اللي حصل في الدنيا
انت في اي فندق
مازن بسخرية
و انت مال اهلك بتسأل ليه
يوسف بنفاذ صبر
عشان في اسكندريه يا غبي انجز انت في اي فندق
مازن باندهاش
انت بتتكلم جد ولا بتهزر
يوسف بحدة
ما تخلص يا زفت ههزر معاك ليه
خلاص يا عم متزقش انا في فندق .. و معايا ادهم
يوسف باختصار
مانا عارف كلها نصايه وأكون عندكوا سلام
و ما كاد ان يغلق هاتفه حتى وجده يرن ثانيه فأجاب هاتفا
علوه حبيبي كنت لسه هكلمك دلوقتي ..
علي ساخرا
يالا ياض يا نصاب و مكلمتنيش ليه
مازن بأسف
ڠصب عني والله جالي ناس اصحابي طبوا عليا زي القضي المستعجل
علي بحزم
ماليش فيه انت واعدني هتتغدي عندنا بكره
مازن في محاولة للهرب
مش هينفع يا علوه والله عشان مش هعرف اسيبهم
يا عم عيب عليك هاتهم معاك و اهو نقضي يوم حلو سوى و بعدها نخرج نلفلف في اسكندريه زمانك نستها.
مازن بتفكير
خلاص هشوفهم و هقولك ..
علي بتأكيد
خالتك فاطمه مأكده عليا لو عايز تزعلها متجيش انا قولتلك انت حر و عملالك محشي ورق عنب كمان ..
مازن بمزاح
ايه الاڠراء دا خلاص جايين
خلاص معادنا بكرة ان شاء الله سلام يا وحش ..
اغلق
